[hehe]《知音人》: 九十五：同感

Gary在保健室醒的時候，發現身邊的是Darren和Oscar。
 
Darren：「醒啦？」
Gary：「呢度係？」
Oscar：「保健室，你無啦啦係更衣室暈低左，有人發現左就送左你過黎。」
Darren：「你係咪無食飯就係體育館操左幾個鐘？」
Gary：「下？er…」
Darren：「醫生頭先話你無食飯加過份疲勞，先會突然暈低左。Oscar又話佢去到場館就見到你練緊波，咪咁估囉。」
Gary：「一時之間唔記得食啫。」
Oscar：「做咩玩命啫？」


Gary：「無啦，下次唔會。」
 
此時，保健室的門打開，進來的是教練、Steven、Wilson和幾位隊友。
 
教練和幾位隊友對Gary送上關心，寒暄和叮囑幾句後就離開，留下Steven、Darren和Gary在場。
 
Gary：「你地無咩野都可以走先架啦。」
Darren：「得唔得呀你，我怕你返屋企路上又暈低喎。」
Gary：「唔會啦，而家精神好多。」
Darren：「使唔使我地搵人陪你返去？你住邊呀？」


Gary：「唔使啦，唔煩住你地。」
 
Steven此時終於開聲：「我叫Oscar陪你返去啦，我知你地都順路，唔好咁婆媽啦，你再暈低既話我唔知點同你屋企人交代。」
 
說完這句他便離開房間，跟出面的Oscar交代他的事。
 
Wilson：「咁你陪佢返去啦。」
Oscar：「嗯，咁我下星期再搵你食飯啦。」
Steven：「唔好意思呀，但你地住差唔多方向，得你幫到佢。」
Oscar：「OK啦，我都驚佢再暈過。」


 
Steven此時收到Edmund的電話，便走開接聽。
 
在Steven走開了的一瞬間，Darren和Gary在保健室走出來。Darren說：「唔該哂你啦Oscar，起碼送到佢返屋企附近呀。」
 
有時世事就是這麼奇妙，以往互相都不太看得順眼的兩人，這天突然變成回家路上的好伙伴，一同登上往屯門的巴士。
 
Oscar：「我都唔知你住大西北既。」
Gary：「你都無咩點同我傾過計。」
Oscar：「哈，咁又係。」
Gary：「Sorry呀，其實我真係無野，係Steven同Darren硬係要你送我返去。」
Oscar：「係架，明明有得同Wilson食飯，而家變左送你返屋企，個反差接受唔到囉。」語氣倒是輕鬆的，說笑著。
Gary：「係喎，你地兩個點呀？」
Oscar：「下？」
Gary：「做咩咁驚訝？唔係以為我唔知嘛？」


Oscar：「哦，無，都係咁囉。」
Gary：「我明白既，不過做到好朋友已經好好啦。」
Oscar：「你又做咩咁感概呀？」
Gary：「無呀。」
Oscar：「慢慢黎啦。」
 
Gary沒有再回應，看著窗外。
 
Oscar突然覺得，兩人的處境有點相似，都喜歡了一個不應該喜歡的人，初時都抱著一個奢侈的想法，希望會得到這個不可能的幸福，但當幻想被現實打破的時候，就發現除了將這份感覺收藏在心底裡之外，沒有什麼東西可以做。
 
正如Gary所說：「做到好朋友已經好好。」
 
巴士駛進隧道的一刻，兩人對望了一眼，然後一同微笑，仿佛知道大家都在想同一樣東西，分享著相同的感受。