[hehe]《知音人》: 九十六：放手

Horace坐在錄音室內，閱讀著早前收到的新歌曲譜和歌詞。
 
等了約十分鐘，兩人打開門走進來，一個是Kenneth，另一個應該是這首新歌的監製。
 
監製：「Horace你好，我係今次呢首歌既監製，你可以叫我Alan。」說完這句他伸出手。
 
Horace也伸出手與監製握手，並回覆：「你好呀，我係Horace，多多指教。」
Alan：「我聽你地音樂總監提過你，亦聽過你之前錄過既幾首cover，聲線唔錯。」
Horace：「過獎，我跟你同Kenneth學野啫。」
Alan：「Kenneth上首歌我都係監製既，我覺得你地把聲應該可以夾得埋。」


 
坐在旁邊的Kenneth點了點頭，沒有回應，面上也沒有什麼表情。
 
Alan：「咁我地開始睇下首歌先啦，你地應該收到譜架啦。」
 
之後三人就開始就歌曲的旋律、節奏、歌詞內容等進行簡介和討論，然後簡單試錄了幾句，讓兩人感受這首歌背後的故意、訊息和意境。
 
經過兩個多小時的反覆討論和試錄，新歌第一次練習總算完成。
 
當Alan說下課的一刻，Kenneth很像急不及待地拿起背包就離開房間，令Alan和Horace都嚇一嚇。


 
Alan：「佢好趕時間咩？」
Horace：「我唔知喎，係掛。」
Alan：「佢今日都有D唔妥，你覺唔覺呀？」
Horace：「比平時靜D囉。」
Alan：「係，之前幫佢錄《暗戀著》果陣佢好多野講架，今次係出奇地安靜。」
Horace：「可能病完岩岩好返，狀態未係好好掛。」
Alan：「嗯。話時話，你都幾唱得架喎，拍埋去唔輸蝕喎。」
Horace：「過獎啦，最緊要係兩把聲夾到啫。」
Alan：「咁又係，我有下一場呀，走先啦。」他說完這句也站起，準備離開。


Horace：「好啦，Bye。」他也離開房間，順手關上門。
 
Horace到茶水間倒杯水，然後走出大堂，碰到兩位剛上完課的同期練習生，閒聊了一會。當他準備離開公司的時候，被接待處的Joanne叫住了。
 
Horace：「點呀，靚女？」
Joanne：「頭先同Kenneth練歌有無特別野呀？」
Horace：「無呀，做咩咁問？」
Joanne：「你覺唔覺得佢有D唔妥？」
Horace：「比以前靜D囉，你做咩係咁問佢既野。」
Joanne：「無呀，睇下你點睇啫。」
Horace：「你咁奇怪既。唔通你…」
Joanne：「咪亂估啦，我無野問啦，你走啦。」
Horace：「好啦，Bye Bye Joanne姐。」
 
跟Horace說了再見後，Joanne走進附近的房間。


 
Kenneth一人坐在裡面沉思著，沒有給反應剛開門進來的人。
 
Joanne：「點呀你？」
Kenneth：「無呀，都係咁啦。」
Joanne：「頭先問左佢，佢話你比以前靜左囉。」
Kenneth：「無第二句啦？」
Joanne：「無啦。」
Kenneth：「哈，原來一直都係我單向既關心。」
Joanne：「咁你都唔講，人地點會知喎。」
Kenneth：「講都無用啦，《我的宣言》呀。」
Joanne：「咁你搞清楚未？」
Kenneth：「算啦，我放手啦。」
Joanne：「咁就放棄啦？」
 


Kenneth沒有回應，站起來，離開房間。
 
Joanne尾隨他，走回接待處繼續工作，目送著弟弟離開公司。