野味小精靈: 93

辛先生一班人帶住我哋偷偷地喺後門開車走，呢個籠壓制住我哋嘅超能力，所以我哋暫時都冇力去反抗。

辛先生眼見車已經就快離開呢座山，佢暗地裡鬆咗一口氣。

「砰！」

車頂嘅陽光突然被遮住，然後一聲巨響，啟暴龍龐大嘅身體重重噉壓向車頭。

「啊！！！」





車被撞到反側倒轉，辛先生佢哋就好似侏羅紀公園裡面嘅主角一樣，想逃走出去但又唔敢。

川朴騎喺啟暴龍嘅背脊，居高臨下咁俯視眼前垂死掙扎嘅幾個人，可憐又可恨。

「你這小子是來救牠們吧？可惜你只有一個人......」辛先生忍住內心嘅恐懼，對上川朴好似望死物一樣嘅眼神同，嘗試同佢談判。

「你係咩意思啊？」川朴之前都有聽個辛先生呢個歷史人物嘅臭名，佢瞬間警惕起嚟。

「如果你再接近，我馬上把牠們殺了。還有快死的那兩個女孩應該都已經送去醫院吧？我只要一個電話，她們就沒命了。」比起後生衝動嘅川朴，辛先生就好似一隻老狐狸，每一句說話都充滿住計算。





聽到辛先生提起黃思，川朴嬲到震。但佢的確唔噉輕舉妄動，因為我同謎擬Q佢哋都喺辛先生手上。而喺醫院嘅樂樂仲處於危險期，萬一佢真係死咗，中共真正嘅陰謀就未必會暴光。

唔止川朴失去咗養育佢嘅老師，成個世界嘅未來都有可能因為樂樂嘅死而改寫......

正當川朴陷入沉思，佢嘅動作都變到有啲遲疑。辛先生趁機偷偷拎起收埋喺暗格嘅手槍，槍頭對準川朴心臟嘅位置開槍。

「砰！」

川朴反射性側身閃開，但依然遲咗一步。子彈打咗落佢手臂嘅位置，大量鮮血嘅血流出，慢慢滴落地面形成一個小型嘅血氹。





「嗯......」川朴皺起眉頭，忍住痛冇去反擊。

「哈哈哈哈哈......」辛先生見到川朴遲疑嘅動作就知道自己賭啱咗，慢慢喺車到爬出嚟，然後抬頭大笑。

「你的確是一個難得的人材，如果我的下屬有你一半身手，我已經滿足了......」辛先生嘅說話分明就係想收川朴做自己嘅手下，幫自己手做壞事。但川朴眼神堅定，完全冇一刻嘅動搖。

「哈哈......可惜了，可惜了.......既然不是同路人，我也沒必要給自己留一個強大嘅敵人。只有死人，才不會生事......」辛先生再次將手槍嘅槍頭指向川朴。

同一時間，辛先生嘅頭都被身後嘅下屬用槍指住。

「你想做什麼啊！」辛先生用眼尾怒睥身後想背叛佢嘅二五仔。

「的確係好可惜，你嘅計劃每一步都好完美，但就係計漏咗死人。」佢身後嘅男人露出一個勝利嘅笑容，而另一個同佢哋一齊逃走嘅下屬，已經被打暈喺地下。