[愛情][校園]《你好，我只是你的好朋友》【劇場版：只屬我們的回憶】開始連載: 終：02
終：02
吃過午飯後，Kelly與Hedy二人來到了學校的庭園，並找了個陰涼處坐下。
「唉，臨尾一個星期，Eve都唔同我哋食飯。」
「佢唔喺聽日話同我哋食晏咩？」
「做咩兩個咁有興致親親大自然啊？」
Kelly與Hedy聽到背後突然有人如此問道，便不約而同轉頭察看是誰。
「Alvin？」
「侑仔？」
站在她們後面的人，正是我。
「少有喎！侑仔食飽飯無即刻翻班課！」
Kelly在看到我後，一臉好奇地說道。
「間唔中行下都好嘅。」
「啱啊！就好似我哋咁，經常食完飯就嚟庭園呢到打躉。」
Hedy在回應的同時，更整個人轉向了我。
隨後Kelly也一同轉過身來並望向Hedy問：「可能問侑仔會專業啲？」
「專業啲？」
「嗯，Kelly近排都有事煩惱緊，所以想問啲……專業人士諮詢意見。」
Hedy再次提及「專業」二字時，更把視線放到我身上。
使得我都有點不解地指住自己：「我……專業？」
「侑仔你應該知我想問咩嘅！」
「吓？我應該知……」聽到Kelly如此說道，我也隨即摸著下巴思考起來。
若果是我知道而且又跟Kelly有關的事情……莫非是那件事？
「我大慨估到喺咩事啦……」
說著的同時，我以一個不太確定的眼神望向了Kelly。
但是她並沒有開口說些甚麼，彷彿是在等待著我給出答案後，才說我對與錯。
「喺咪你同……男朋友嘅事？」我以一個極不確定的語氣說著。
而眼前的Kelly及Hedy則是馬上望向對方，眼神交流了一會。
「阿侑果然喺專業啲！」
「嗱，問佢就啱架啦！」
在Hedy笑著說道後，她們二人也一同望回了我。
「咁侑仔你洗耳恭聽囉！」
「喺！」
如是者，Kelly接下來就向我詳細地說出了她與男友的近況。
大家都應該還記得，我曾提及過Kelly與她男友現在是處於冷戰時期。
她男友已經畢業，所以不時都在假日打算邀約Kelly外出遊玩。
Kelly卻一心想專注於考試上，不想把寶貴的溫習時間都浪費掉。
當然Kelly都有向她男友坦白自己想專心溫習一事。
但是她的男友卻以自己都是過來人有考過試為理由，告知她不用太過努力。
然而，雖然對方說得如此輕鬆，但是Kelly心裡可知道，她男友本來就是一個很聰明的人，只是考試前一個星期才溫習，成績都可以勝過班中大部份人。
因此才會認為考試非常容易，屢次勸告Kelly不用太過認真。
不過，身為同班同學的我都知道，Kelly的成績是屬於中下遊的位置。
如果不趁現在努力裝填自己，恐怖最後公開考試的成績不堪入目。
但似乎她男友並不太過在乎Kelly的成績，只是一昧想玩過痛快。
於是最後兩人都因此而吵架陷入冷戰，並關係變得越來越差。
而經歷此事後，Kelly也開始思考，到底自己應不應該與這不體諒自己的男友繼續在一起……
「大致上我都明發生咩事……但點解會覺得我喺呢方面嘅專業呢？」
「因為……侑仔你一王三后，應該點都遇過類似事件嘛？」
我不禁倒抽了一口涼氣，原來說我是專家是因為這個原因。
「我……無遇過咁嘅情況……」
冷戰當然是有，但並不是因為意見不合才冷戰……應該是吧？
「你唔喺上學期先同Elaine冷戰咩？」Hedy馬上插過嘴說。
「欸……個次算喺……單方面……被冷戰？」
「侑仔你都唔確定就算啦……不如你講下你點睇？」
我隨即便交叉著手並思考了一會才答：「咁其實你同你男朋友喺價值觀上已經有少少差異……」
她們二人馬上擺出了一副願聞其詳的樣子，使我都只好繼續接下去。
「情侶之間就要多包容同體諒，喺磨合嘅同時互補不足，不過最重要都喺大家嘅價值觀相同。即使平時拍拖嗰陣喺幾咁甜蜜又好，雙方價值觀唔同，呢段關係最後都只會走上末路。」
「即喺你指我哋最後會分手？」Kelly不禁皺起眉頭問道。
「唔喺100%話會分手，只喺相處嘅日子久了，好多價值觀嘅問題都會慢慢浮現出嚟，而若果雙方都唔肯解決嘅話，最後只會釀成分手。」
「Alvin果然喺專業，講啲嘢都客觀過人！換轉喺我就直接分手算架啦！」
Hedy隨後更擺出了一副不岔的表情，感覺就在為Kelly的遭遇而氣憤。
不過往往憤怒與憎惡，就是造成一切悲劇的元兇。
「我唔會建議分手定唔分手，只喺想Kelly你再仔細過顧下呢段關係，諗一諗以前同猜想一下未來，咁自自然然你就會得出答案。」
「雖然有少少聽唔明，不過我都大致上有答案架啦……」
聽到她這樣說，我隨即也點頭起來：「諗還諗，但唔好影響考試嘅心情啊！」
「點解Alvin講嘢講到好似個老師咁，喺到指點我哋，哈哈。」
Hedy不禁輕笑起來，使得她一旁的Kelly也一同加入笑聲之中。
「喺囉，侑仔由啱先開始啲語氣已經唔同哂，哈！」
「可能喺太過擔心你哋掛……哈！」我一同淺笑起來。
可是卻立刻迎來她們二人的疑問：「擔心我哋？」
「我……我喺指驚大家越近考試就越大壓力啊！」差點就說漏嘴了。
而Kelly及Hedy相繼發出「哦」一聲，隨後就一同凝視著我。
「咁侑仔你最近又點？同Elaine仲有Venus點？」
「咪又喺平時咁……」說著的同時，我迴避了她們的眼神。
「你哋無好似Kelly咁，喺價值觀上發生衝突？」
「無……應該喺話暫時無。」
「又喺嘅，始終侑仔你同我嘅case唔一樣，無比名份呢樣嘢捆綁住。」
我沒有說話回應，只是默不作聲地點了數下頭。
然而，Hedy卻一臉好奇地插過嘴說：「咁你有無諗過畢業前……同佢兩個其中一個拍拖？」
當聽到「畢業」二字，我不禁在心裡苦笑一聲。
但隨即只是搖搖頭：「唔知呢，到時再算啦，我都上翻去先。」
在說道後，我便開始轉身離去，但在走了數步後，便再次扭過頭望向她們。
「雖然唔喺段段關係都有一個完美嘅結局，但喺就可以令你成長……Kelly希望你最後可以搵到答案，而Hedy第時如果遇上類似情況都要學識去定留啦！」
Kelly與Hedy在聽到我這番說話後，立即望向對方淺笑起來。
接著也望回前方說道：「侑仔，你講到成個長輩咁！」
我向她們送上微笑以作道別後，便轉身慢步離去……
還有十八人。
「價值觀、體諒」