[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.11【WN視角】2

現在時間12：30

我開啟咗即時生果新聞，依家嘅感染人數為3萬5千人，社區感染人數估計為18萬人。假設下18萬感染者，平均分布喺香港嘅18區，咁每區都仲係1萬左右姐，我地呢個黃大仙區咁多人，應該唔會有太大問題。

暫時都未算完全淪陷，仲算比較安全。我扭過頭，決定先去救同邨嘅人：「Alex , Malvin對錶，15分鐘之後集合，攞好架餐，一人一支氣槍，30粒BB彈，唔該慳住用，我地彈藥唔係好多，加埋一把瑞士軍刀啦！

仲有記住戴好口罩，癡好牛皮膠紙，防止比個啲嘢感染到，我唔想見到自己友咁快玩完，仲有我落唔到手隊冧你地，唔好指意我會幫你解脫，幫你一槍收工，雖然唔想咁樣，但眼前嘅係鐵一般嘅事實，所以唔該你兩個同我謹慎少少！」

Alex , Malvin同時講：「得啦，唔使擔心，收到曬！」



我回答：

「係就最好啦，我地今次目的地係離呢度10分鐘快步程嘅月光樓！知唔知道？

個邊靠近8仔，可以過去睇下情況，仲有物資嘅就攞埋啦，附近仲有間壽司店，

鐘意嘅可以帶幾張保鮮紙包住啲魚生帶返黎，自己又好，比大家食又好，反正你地攞完，自己做選擇，

口生喺你地到，講同唔講我揸唔到主意，我會帶多少少壽司飯返黎比大家，食米個邊就可以唔使咁驚，



仲有記住帶多啲朱古力，同埋能量飲品啊，即溶沖劑個種啦，

得閒攞埋杯麵啦，用少少水就有得食，慳唔少資源。」

雖然此行我地只係去救人，但好明顯，我嘅心思已經去咗食糧個度，始終物資先係生存落黎嘅首要條件。

講完之後，我就向M報告：

「M，全部搞掂曬，15分鐘後我地出發，通知你一聲，仲有，你返黎之後畫幾張區內地圖比大家，等佢地出去探險個陣可以容易啲搵路行，唔使行咁多冤枉路。」



M回覆我：

「叻仔，夠曬效率，不愧我咁信任你，你小心啲，有嘢對講機記住講，我會飛過黎支援，唔使驚。

地圖嘅話，我落更就去畫，你盡量救人，我地人手就唔會咁短缺，巡邏隊都可以安排更多人一起進行對抗，我地嘅勢力都可以擴大更多，所以營救行動真係要快趣，如果外面通街喪屍，就唔使諗住救人啦，等住賠埋自己條命仔啦吓。執生啦！」

佢語帶嘲諷咁講，性格果然調皮，果然都仲係當初嘅M。

時間12：45

我地三個人出發，首先要行過一條200級嘅樓梯落去條邨，開頭我地帶住一個吉嘅背囊好快咁用3分鐘就落咗去，之後我地就根據GOOGE大神去搵我地要行嘅路線，沿途M都有通過對講機同我地聯絡，幫我地指明方向，畢竟佢作為地頭蛇，一定要盡返責任幫下手嘅。

我地比原定時間早到咗1分鐘，到達目標地點---月光樓。

附近沓無人煙，根本唔似有任何生命跡象出現喺方圓300米，正常黎講就多數都係街坊已經留喺屋企唔夠膽出街，除非真係咁夠薑出去作死個啲例外啦。



我地係呢個時候接通咗對方嘅電話，我地只能夠輕聲咁講嘢，費時引曬啲喪屍黎開餐，佢地簡單交代自己嘅方位後我地就即刻cut咗線，講多句分分鐘下一秒遭殃嘅就係我地，到時不但只救唔到人，反而自己都玩完，真係「賠了夫人又折兵」，百害而無一利。

一分鐘後，我地就見到佢地收埋自己喺後樓梯間，兩邊守住，不過都唔係權宜之計，萬一真係比喪屍兩邊夾擊，佢地實死冇生，好彩我地黎得及時，如果唔係佢地可能會成為喪屍嘅盤中餐。

接到個兩對家長之後，我地就開始返程，我開啟咗對講機，然後報告比避難所嘅幹事聽，佢地都表示ok，我趁機問咗：

「據點裏面有咩物資比較少啊，我希望可以幫大家做番啲嘢，搬多啲嘢返黎比大家，你地要咩就講啦。」

對方就回答：「搬多啲可以擺得耐啲嘅嘢食啦，罐頭同埋麵個一類啦，水都唔該攞多啲返黎啊，2盒thx～」

我回答：

「收到，即做！我順個靚便去壽司鋪到攞啲魚生，今晚加餸！我都可以攞啲GOOGE PLAY嘅課金卡，等大家爽下啦，人一世物一世，有啲嘢點都要試下做嘅，大家隨便fing就好，唔使驚！



啱啱好我識用個邊嘅收銀機，可以開個序號，大家到時慢慢玩啦，享受呢個世界最後嘅和平，或者聽日你起身，世界就已經變天，外面嘅情況亦都可能會更加差；享受呢個世界最後嘅歡樂啦！

『人生苦短，及時行樂！』聽日我地可能就笑唔出架啦！

盡量玩埋呢幾日得來不易嘅時間啦，冇人知道你幾時會比一隻戇戇居居嘅喪屍盲忠忠咁咬到死架！

到時可能我地嘅娛樂只係淨低每一日打喪屍，或者由自己同學轉化成嘅感染者，當然我唔希望會有呢種情況出現，有呢種諗法嘅人心理上一定有返咁上下抗壓能力，對眼前荒謬絕倫嘅情況見怪不怪，唔知M又會點諗呢？

唔知佢會唔會做得出呢？」

然後，我地掛斷咗對講機中嘅通話，準備搵新嘅一輪物資，我地去到8仔，搜索到好多嘅物資：

食品類：
杯麵：10個
朱古力：35條


能量棒：35條
香口膠：2盒
叮叮飯：14盒

飲品類：
汽水（1.5公升）：2支
水動樂：7支
水（800mL）:14支
咖啡：3排=18罐
咖啡粉：5盒

其他：
課金卡（150～5000）：太多，數唔到
報紙：近三天各報社出版的報紙各2份



我地總共喺8仔搵到呢啲嘢，上面嘅食物其實都已經夠曬大家食多一個半個禮拜，但我地依然決定喺旁邊嘅壽司鋪到搵一啲相對高級嘅食材，雖然呢間係cheap cheap壽司，但係都有佢地嘅招牌壽司嘅，我最愛嘅係三文魚壽司，個陣魚嘅脂肪含量好高，肉質鮮嫩得黎又算肥美，個口感真係好爆！

又鮮甜，又有質感，都算良心。我記得M好鐘意食海膽花枝同埋燒三文魚壽司，我直接攞返條魚同埋啲料帶返去，等M自己處理食材啦！我都執返幾條魚返去先！夠我食返一個禮拜，呢個禮拜你要我食公仔麵配佢地都夠曬！我終於都唔使買一件壽司啦！依家我要大飽口福，喂肥自己！

*三文魚含蟲量極高，大家唔好食太多，因住腦生蟲！


呢兩間嘅店鋪基本上已經比我地揸乾揸淨，旁邊淨低嘅小丑之家同埋795兩間就遲少少再算啦！

我地都已經攞滿曬嘢，想再要啲都唔得啦。

就係咁，我地開始撤退返去我地嘅據點———「末日加油站」我地個據點名係唔係好霸氣呢！當然喺呢一種情況，就要貼切返現實去改名啦，而呢個名就合適不過啦。我地呢度，為大家提供溫暖舒適嘅居住環境，為大家提供多種嘅膳食，為大家提供多元化嘅樂趣同福利。除咗為我地呢度嘅同學造一個dream place，仲致力幫佢地同親人團圓。

旁白君：「唔錯唔錯，估唔到咁快就可以適應到，仲識得去搵物資添，本身諗住宅男應該就麻麻地，你果然與眾不同啊，連你啲frd都咁有腦。唔該，我要杯爆谷啊。」

旁白君都懵然不知，大家都只係虛有其表。