[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.11【WN視角】（完）

回程時間13：45

我地喺食物嘅引誘之下，忍唔住就搵咗差唔多二十分鐘，ps.我地救人用咗半個鐘，因為我地對呢個地方嘅熟悉度有限，加上每棟樓都有4條樓梯，我地都唔太容易搵到目標。不過都好彩，順利救到人。

攞住一堆堆嘅物資，我地又重新踏進這無盡旅途，返到去我地嘅據點，又要行返夠個2百幾級樓梯，手殘腳殘，就快嘔血，不過有好嘢食，我又唔介意嘅。武器仲未有用途，我真係好懷疑呢一個病毒係唔係傳說中「可防可控」嘅一員！

真係可防可控你又唔講，唔係嘅你又吹到天花龍鳳，係咪癡向左走向右走咗線啊！講到呢到我要爆氣了，真心忍唔住啊！

依家附近嘅情況可以話相對平穩，我推測感染者暫時未去到呢個地方覓食。可能感染者集中喺中環一帶，個邊話曬都係我地人口最密集嘅地方，我地嘅精英們全部集中喺嗰一個地區，但好明顯，呢種地方，一瀨嘢，就會形成一個困獸鬥，死得最快嘅係佢地，基本上唔會有任何比佢地掙扎嘅機會。



根據我嘅計算，喺中環一帶嘅感染者應該佔咗大概4成，即係1.4萬人，社區感染人數就有6.2萬左右，呢個情況，即係話你喺街上面每見到4個人，就會有一隻係感染者，暫時我地稱呼佢叫喪屍啦，希望好似電影咁樣都係同一類低智商生物啦，如果唔係，我地就GG了，不過少量高智商嘅應該可能勉強可以應付到嘅。。。

咁樣計法，再平分一下，即係每區都係有不下1.36萬嘅社區感染者，見到感染者嘅概率依然比較低，用黃大仙區去計算，每見到30個人先會有一個感染者，個 percentage只有3.3左右，都算安全嘅，暫時。

喺我個腦高速運轉嘅同時，我眼尾見到一隻蠢蠢地嘅喪屍，行動緩慢，睇落係喪屍食物鏈之中最低層嘅行咗過黎，我地見狀，抄起咗我地嘅大棒棒去扑濕佢個頭。一下重擊，佢已經被我地爆咗頭。

「呵！估唔到咁弱雞！嚇得我啊！」之後，跟住隊嘅幾個人都先後過黎加多幾腳，將佢打到體無完膚。我地一行人嘅士氣非常高漲，打完一隻仲想打多第二隻，第三隻。但理智同我地講，咪再咁白癡，快快趣趣返去「末日加油站」好過。

返到去據點，行完個2百級樓梯，我地嘅精神再一次崩潰，我真係好想同M講一句，你究竟係咪有病？點解要去埋曬啲咁嘅地方？次次都行死人啦！



時間14：10

我地成功返到去屬於我地嘅地方，安置好個兩對家長，放好咗頭先得來很易嘅物資。

既然多咗幾位同伴，咁當然係要佢地付出一下啦，如果唔係就白救囉~於是我地就帶咗佢地去到據點附近位置嘅一個乒乓球場，後面就有一個比較大嘅花園，活動範圍相對地廣闊，加上貼近公園入口，佢地都可以駐守喺個邊，我地派咗個4位家長，加上佢地嘅仔女，仲有我地之中比較打得嘅兩位同學過去，防止喪屍(感染者)嘅來襲。

安置好之後，我地安排咗8支槍，配備200粒子彈（當然係BB彈），仲有2-4把菜刀同埋生果刀比佢地。

「終於可以抖下啦！」我同班隊友講。「不過咪放鬆住，仲有節目比大家，唔該大家講下自己頭先出去嘅感覺先，我地做個briefing，總結一下，大家交換一下意見，汲取經驗。」



Alex答：「還好啦，個感覺唔算太差囉，同平時真係冇太大分別。」

Malvin講：「出邊靜到好似死城咁樣喎，連隻鬼影都唔見，個感覺我覺得唔太好囉，總係有邊忽唔對路咁，可能我鍾意熱鬧啦，唔知架~不過頭先個一隻嘢真係有少少弱雞，我打得好爽下喎！」

Alex加咗把嘴：「頂啊！我都大推打爆佢地，個手感超爽，可以發洩一下，唔錯架！」

我聽到都覺得有少少無奈，唔知話佢地傻啊，定係天真好，呢種思想真係末世中嘅一點純真，不過又冇話唔好嘅。

我回答：「你地真係勁喎！下次記得都要咁勁揪先得，唔好喊住返去搵啊媽喎！（笑）」

佢地異口同聲咁講：「你條友好勁咩？信唔信我地兩個打鑊你啊啦！」

說罷，佢地就準備好拳頭，作勢要打過黎咁樣。

當然佢地只係做下樣啦！咪真係諗住佢地會打我先得架！



我連忙講句：「今日briefing完結，我醒起有嘢要做，byebye~」

三十六計，走為上策！（溜走）

（WN視角完）

旁白君：「真係調皮。呵呵，WN，第二個目標，唔知又有咩搞作。」