[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.12

（M視角）

時間12：45

我收到咗WN嘅通知，佢地準備出去救人。

時間14：15

我再次收到WN嘅口訊，佢地已經喺5分鐘前返到據點，並且成功帶咗2對嘅家長返黎，咁樣一黎，我地呢個接近入口處嘅範圍有人可以幫手看守啦！



果然冇信錯WN佢啊，真係幫得手。希望安排人手去到個邊可以起到防守作用啦！

收到佢嘅通知之後，我叫佢盡快安排食物比去新位置嘅人手，然後開始通知主據點之中嘅壯漢們開始為佢地製造一條防線，起好圍牆，為免遭受攻擊，雖然附近暫時安全，但係冷不防聽日、後日，甚至半年、一年之後依然唔會受到襲擊，我地呢度應該算係黃大仙區之中最為緊密嘅防線，短時間內唔會受到影響。

除非有內鬼所為，否則我地係物資供應充足嘅情況下可以撐到最少3個月，呢個當然係我嘅目前諗法啦，話曬我應承咗大家要保護好佢地，我絕對唔會食言。依家嘅前景仲算明朗，我地只係需要每日或隔日搵物資就足夠。

呢3個月裏面，如果大家唔浪費，我地分分鐘可以捱更耐，就算唔得，我地都絕對可以利用附近停車場嘅車，去比較遠嘅地方搵物資，當然唔可以淨係派幾個人啦，我已經有曬全盤計劃！絕對安全可靠！

突然醒起個停車場最少都有20零架車，我估都應該用到幾耐，不過首要都係用個度嘅車再幫所有出入口封鎖一下，費時出事，穩陣少少比較好。



發現新大陸嘅我，通知咗據點裏面嘅幾位同學一齊去進行呢個任務，前面我地都有講過，我地已經預先制作咗幾條嘅「車匙」，即係鐵線造嘅臨時車匙啊，好彩我有呢一方面嘅小知識，雖然我大可以上網慢慢查，但時間緊迫，自己有呢種知識當然最好。

「Bi~Bi~」汽車嘅引擎已經開啟，代表我嘅臨時「車匙」非常之成功。靚波！我終於派上用場，之前一直諗住學埋曬啲咁嘅嘢冇鬼用，又唔係去偷嘢，但誓估唔到呢一刻，竟然成為咗我地嘅其中一個求生用途。

就係咁樣，我地好順利就封鎖咗整個據點，雖然封鎖嘅途中有少少阻滯，但係都已經算係咁啦，話曬我地都係未考過車牌嘅人啊！（呢度嘅嘢都係我喺對講機度聽返黎，我並冇參與其中，因為我仲喺度做緊我最討厭嘅嘢——當值。

該死的4小時輪班制，究竟邊鬼個提議架，個條友一定個腦入咗水！

諗深一層，嗰條友好似就係我自己⋯⋯我對自己嘅記性同埋智力開始充滿住懷疑。



（以下為真實經歷）

話說，點解當值會成為我最討厭嘅嘢呢，是咁的，就係因為呢我從小學4年級開始，就成為咗被選中嘅男人（啊唔係，係被選中嘅細路），個陣時我仲係一個好好人緣嘅細路，身邊嘅朋友都圍住我，經常同我一齊玩，同我傾計，自自然然，有住暖男體質嘅我好成功做咗班上嘅紅人，

加上我係一個不折不扣嘅學霸，基本上冇嘢難到我，平時嘅功課唔係攞A，就係攞A+，功課甚麼的對我黎講只係一片片浮雲，根本唔需要認真對待（本人嘅英文一直比較差，但好可惜，點差法都有個95分咁囉，所以，咳咳⋯你知咩意思啦，我唔係話你蠢，我係話台下面嘅大家都係天下烏鴉一樣黑（笑）），我相信我唔會見到白色嘅烏鴉嘅。

唔方便畫公仔畫出腸啦，自己get到架啦^_^