「千雪,你見點啊。」
 
 
「我無野啊,少少唔舒服啫。」千雪的樣子十分虛弱,臉頰沒有氣色似的,但這樣的身體柔弱的她,似乎更顯得她更加美。
 
 
「少少?你塊面都青晒喎,你快啲坐啲先啦。」我扶著千雪的手走到床邊;她的肌膚十分柔嫩,滑如初生嬰兒一樣。
 
 




「唔該晒麥Sir,要你一放學就黎搵我。」
 
 
「傻啦,你唔舒服做咩唔同我講呀。」
 
 
「我唔想你擔心我,你要專心教書。」這個千雪真是…
 
 
「下次唔好咁啦,你今日有無食野啊。」




 
 
「無啊…」千雪話音未落,肚子便響起一陣打鼓的聲音。
 
 
「哎呀,嘻嘻。」千雪害羞的樣子,還真是可愛,但願我能永遠記著這一秒,這一刻。
 
 
「你乖乖地坐係到,我落去買碗粥比你。」
 




 
「麻煩晒你啊麥Sir。」


「但係呢,碗粥記得唔好有肉…」不吃肉?難道千雪是個素食者?
 
 
「好啦好啦,你記住飲多啲水啊。」我把水倒進水杯,然後幫千雪扶著杯喝水。
 
 
當我正打算離開房門時,千雪說了一句話令我卻步。
 
「麥Sir,點解你咁擔心我既?你係咪鍾意左我?」我沒有望向她,是不敢。
 
 




「講笑咋,你落去啦,我有啲肚餓。」
 
 
「你梗係肚餓啦,成日都無食野。」
 
 
「係呀,等你啊嘛。」等我?哈,真是耐人尋味的一段對話。
 
 
到了附近街道找粥店,想起千雪突如其來的一句「你係咪鍾意左我?」,不,我才不會喜歡學生,雖然我只是24歲,但我相信我是出於老師的愛和關顧,對,只是如此。
 
 
「買左南瓜粟米粥比你啊,你趁熱食啦。」
 
 




「多謝你啊。」
 
 
「唔洗,你睇熱啊。」我笑了一笑,靜看著千雪食粥的樣貌,一舉一動,依然動人。
 
 
「係啊,今日我搵到份工,可以還返啲房錢比你。」
 
 
「咁快?」怎麼聽到千雪說這句的時候,心卻沉了一沉,這是意味我們關係獨有的密盒要消失了嗎?
 
 
「係呀,係一份教小朋友畫畫既工黎,佢仲可以預支我今個月人工,所以你放心啦。」
 
 




「好啦,如果你有咩事就再話我知啦。」
 
 
「嗯!」看到千雪的淺笑,還真想把Instagram的收藏按鈕搬到現實世界,將千雪的甜笑收下。
 
 
「麥Sir,你有無女朋友啊?」這一問,又讓我陷入淤泥之中。
 
 
「Er…無啊,做咩咁問。」
 
 
「無呀,純粹想知道,嘻。」
 
 




「千雪,你想唔想聽故事?」
 
 
「關於咩架,唔想聽三隻小豬喎。」
 
 
「哈,唔係呀,係一個好悲慘既故事。」
 
 
「咁有幾悲慘啊?」千雪擺著一副天真的樣子問。
 
 
「係好耐以前,有一對青梅竹馬既男仔同女仔,佢哋係隔黎鄰舍,成日都會走去對方屋企玩,又或者去屋企樓下公園玩,個陣時啊,係男仔最開心既時間,因為佢爹地媽咪都唔要佢,去到嫲嫲屋企,嫲嫲又無點理佢,唯一既娛樂就係睇屋企既書,真係熟到倒背如流都無問題;除左咁,同個女仔玩,就係佢第二個令佢歡樂既途徑。」
 
 
「由幼稚園,小學,中學,佢哋都讀同一間中學,感情一直都好好,雖然個女仔中學既時候會拍拖,但係每次傷心,分手既時候都會搵返佢既青梅竹馬,個男仔雖然口講唔介意個女仔拍拖,心入面,就酸到不得了;但係佢哋又只係青梅竹馬既關係,所以個男仔都只能默默為佢祝福。」
 
 
「去到中學畢業前,男仔終於都發覺,佢介意,因為佢鍾意,佢唔想同人分享呢個女仔,佢覺得個女仔既笑容,眼淚,開心,唔開心都只能夠屬於佢,所以佢決定左係畢業前一日向佢表白,但係可惜,女仔只係答左一句,我要去外國讀書,對唔住。」說到這裏,我不禁哽咽。
 
 
「個男仔追問佢,咁你幾時返黎,我會等佢,女仔再答多佢一句,唔知。」
 
 
「個女仔好無情咁就離開左個男仔,而個男仔就白白係到呆等,等到而家…」
 
 
「呼。」說畢,我自然地鬆了一口氣。
 
 
「個男仔,係咪麥Sir你黎。」
 
 
「Um…」我默默地點頭,這是我第一次向別人提起這件事。
 
 
「你鍾意佢啲咩?佢好靚架,定係好叻架。」什麼時候,千雪變得如此八卦。
 
 
「佢,又唔係話特別靚,係街上會望多一兩眼個隻,不過讀書的確係幾叻,所以佢咪去左外國讀商科。」
 
 
「哦…你會唔會,只係唔捨得佢拍左拖,然後無得搵佢個種失落感。」
 
 
「Er…我都唔知…時間唔早啦,我要返屋企備課啦,你都早啲休息啦,如果聽日再唔舒服就話我知啦。」
 
 
「嗯。」
 
 
對了,她,過得如何?她傷心時,找誰傾訴?落淚時,誰為她擦淚?我打開她的Instagram,打開最近的相片,她,過得可好。
 
 
 
時間一日一日過去,千雪找到了一份適合她的工作,學業加上工作的壓力,樣子似乎也捱了許多個晝夜;嘉柔也愈來愈調皮,但卻是最惹同學們喜愛的,而我,和她們的關係,似乎也進展了不少。
 
 
「麥Sir啊,麻煩你放學留一留低,我有啲重要野要同你講。」跟我說話的正是校長,他雖然長得和藹可親,可是聽別人說他只是笑裡藏刀,在背後卻殺人如麻…
 
 
「噢,可以啊。」
 
 
「咁麻煩晒啦。」
 
 
我戰戰兢兢的走進校長室,這幾個月來,我都沒有幾次要進去,就是頭一次面試這份工作,還有一些家長事務處理,其他日子,都是風平浪靜,唯獨這次,我聞到的,是危機。
 
 
「麥Sir,今次黎,係想同你講下修讀中國文學同學既成績,上學期統測既成績,有啲強差人意,尤其係林嘉柔,成績全班最低,只有五十五分,最高亦只有七十五分。」我看著林嘉柔的試卷,答案亂寫一通,明明上堂時教過,臨上戰場前也特別幫她磨刀,但成績卻只有五十五分,而最高的,當然是千雪,可能是兼顧工作的緣故,成績也沒有以前一樣優異。
 
 
「我唔希望,因為咁樣,而要辭退你,麥Sir。」
 
 
「我相信你係一個好老師,你知道,每年最後都要睇大家老師既成績表,齊齊做得好好睇睇既,咪齊齊加人工,做得唔好既…」
 
 
「我明白架啦校長,我唔會令你失望。」
 
 
「係就最好啦,係啦,今年遊學團,我想你同Miss Yu兩個帶。」正當我想步出校長室時,校長卻說了讓人又驚又喜的說話。
 
 
「遊學團?」
 
 
「無錯,每年中五既同學都有機會參加遊學團,名額十二個,大概十二月二十號出發,詳細,遲啲再搵秘書通知你。」
 
 
「但係我無咩經驗喎校長。」的確,由小到大,我也沒有出國的經驗,連坐飛機也未曾試過。
 
 
「唔緊要,Miss Yu會好好輔助你,放心。」
 
 
「係既…」
 
 
「無咩就出返去啦,仲有最後一件事,記住,記住,同我地既學生,保,持,距,離。」聽到最後那四個字,整個人彷彿被凍結一樣,動彈不得。
 
 
「明白。」我點頭回應,便立即走出了校長室。
 
 
我在想,難道校長知道我為千雪租酒店住一事?
 
 
「呼…算了,遲啲先算。」終於鬆了一口氣,但這個時候…
 
 
「喂,墨子!」嘉柔又突然不知從哪裡彈出來嚇我。
 
 
「叫我麥Sir,唔係墨子。」
 
 
「一樣啦,係呢,做咩見校長啊,你曳曳啊?係咪比人照肺?」嘉柔臉上一副好像中獎的樣子,看來她是很討厭我?
 
 
「你就曳,校長啱啱特登同我點名啊,林嘉柔,成績最低,哈,你死啦你,等陣校長打比你屋企人啦。」
 
 
「下,唔係掛,你講真的講假啊。」嘉柔聽完後便立即快快走了幾步,用我的身軀遮擋著她。
 
 
「哎,你睇住啊。」
 
 
「校長仲有無講啲咩呀。」除了遊學團,就是提醒我,保持距離…
 
 
「無啦。」
 
 
「真係既?」嘉柔帶著疑惑的樣子問。
 
 
「係呀。林嘉柔,如果比你揀,你會想去邊到旅行?」
 
 
「東京!」東京…這個地方,我們,似乎曾經約定過。
 
 
「好,我地就去東京。」
 
 
「我地?」
已有 0 人追稿