今天是愚人節，她跟我開了一個玩笑。: 38

黑暗中，海浪聲沙沙沖來。

我又回到了海壩上。

「一切都再無意義⋯⋯」那個女孩說。

「咩話？」我一頭霧水，不知道她在說甚麼。

「咩啊，你問我。我咪答你囉。」她嘟起嘴角，不滿地抱怨。





「算喇，再嚟過。」她打了我的頭一下。

我眼前一黑。

黑暗中，海浪聲沙沙沖來。

「平庸唔好？平庸有咩唔好？」
「平庸，有咩唔好？係喎，平庸⋯⋯有咩唔好？」
「每個青年心裡面都有夢想，滿腔熱血。只係到咗某個年紀，有啲現實慢慢浮面，我哋會慢慢發覺，不得不去承認就算幾努力，耗其一生，都無法改變、擺脫自己係屬於平庸大多數嘅呢個宿命。」





腦裡快閃過這幾句話後，我再次看見了她。

「如果明知呢個真係我哋嘅宿命，咁點解唔安然咁去接受佢？」

「因為⋯⋯我嚟到呢個世界。因為我仲係二十一歲。」

「如果好似大多數人一樣，安然咁接受呢個宿命，錢財、生命、愛呢啲嘢一切一切都⋯⋯變得無意義。」

「咁咩先有意義？」我問。





「自由、選擇，我唔想再被安排。」

「我想要自由。」

她看著我，笑容可掬好比夕陽。

讓我重見光明，我張開眼，看到了楊薇。

「你做咩啊？她眼訓？」她傻了眼地看著我，一臉擔心。

我搖搖頭，看著她，心裡好像突然想通了一些事一樣。

「Sorry……如果我頭先做錯咗，有咩我可以做？」她恍惚地問。

「唔使。我只想講樣嘢你聽。」我握著耳朵。





「嗯？」她撥走髻邊的頭髮。

我吸了一口氣，耳邊俳佪那個女孩的話。

我唔想再被安排。

我想要自由。