今天是愚人節，她跟我開了一個玩笑。: 40

朋友⋯⋯？

「我訓梳化喇。」楊薇拿了一個枕頭，悄悄地下床。

我沒有再說甚麼，我需要休息。

原來當一個人經歷過太多的起伏跌宕，便再沒有力氣去承受更多的情感，所以我無法再想任何事，無法再想她，她想走便走，哪裡都可以，我很累了。

就算是想，也是怨恨，我恨她為何把我拉進來，恨我為何隨隨便便答應，恨我為何自作多情。





楊薇關燈後，我也很快便倒頭大睡。

在大學的宿舍裡，房門慢慢打開，有一個女孩坐在床上。

陽光從𥦬外照進來，剛好遮蓋了她的樣子，我看不清她，心裡卻有種莫明的熟悉感。

她拍拍旁邊的床，我自然而然的坐了上機。

「蘇。你鍾意我？」





「嗯。」

「你愛我？」

「嗯。」

「點解？」

「因為你好。」





「呢樣唔係愛。愛唔係咁。」

「嗯？」

「愛一個人，唔係因為對方好，而係因為從對方身上，睇到自己。

所以我愛你，源於我愛自己。

所謂愛人如己，唔係話愛對方好似愛自己一樣，而係先係對方身上搵到屬於自己並且愛嗰嘅一部分，再去付出。

先自愛，再愛對方的自己，愛人如己。

因為血脈相同所以愛親人；因為基因相近去愛情人。

我愛你，因為你有啲自卑、有啲自虐傾向、有啲抑鬱、有啲矛盾，有啲自作多情⋯⋯





不過後來我發現，識到你之後，我開始唔再自作多情。」

「我都一樣，唔想再去自作多情。」

「傻啦。你唔會。你仲可以去想像，去相信，因為每次自作多情換嚟嘅最後可能係兩情相悅。就好似我哋咁，就好似⋯⋯你哋咁。」

陽光愈來愈猛，眼前的她慢慢變成一道白光。

她的聲音也慢慢換成楊薇的聲音。

「醒喇？」楊薇說。

「唔～早晨。」我恍惚地答，拿著手機一看。





四月四日，十一時。

「唔早喇。」她笑說。

「嗯，都係。」我尷尬地答。

「係喇，今日我去淺草，你去唔去？」她把手機拿到我面前。

「係，一個東京幾出名嘅景點。」她續說。

我擦擦眼晴，把思緒帶回現實當中。

還是朋友。

嗯，她說的真的沒錯。





我們現在真是一對，朋友。

君子之交淡如水，一覺醒來，過往的情分也看作成雲淡風輕。

我該答應還是拒絕？