那一天，有女仔嚟咗男校讀書: 第十六章:暑期旅行(第六節)

東京之旅嚟到第三日，今日嘅行程同樣豐富。
喺民宿食完簡單嘅早餐之後，我哋出發前往「東京巨蛋城」，呢個商場集「食、玩、買」於一身，喺商場入面有一座大型過山車---「Thunder Dolphin」。我同小倩行完商場之後，便前往「Thunder Dolphin」嘅入口，小倩比較細膽，但係佢都話想試下，咁我當然唔會退縮。難得今日唔算多人，我哋即刻買飛入去玩，排咗大約十五分鐘已經輪到我哋，我懷著緊張嘅心情坐上過山車，看到眼前高低起伏嘅過山車軌道，我更加緊張，我牽緊小倩嘅手。
「乜原來你都咁驚㗎?」小倩取笑我
「冇...冇驚過!」
「睇下你，連講嘢都震哂喎。」
「開...開始啦，仲講。」
過山車開始運行，過山車不斷上升時發出「卡、卡、卡」聲
過山車開始向下俯衝
「呀~」我同小倩不約而同地嗌咗出嚟，我抓緊小倩隻手，就好像象徵著我們一起攜手面對挑戰。



(待續...)