「呀——」
我嚇到在床上彈了起來,跑去洗手間方向,照鏡時我真的被嚇到,真是和二十年前的樣貌一模一樣,雖然樣貌不夠突出稱不上美男子,但勝在皮膚夠白,天生曬不黑的天賦,可以為顏值加一點分數。再看看自己身體,不像之前三十五歲開始發福的自己,因為以前中學時和一些所謂「古惑仔」有來往,有時會跟他們在校外打架,所以起碼有一點點肌肉。當我還在打量自己身體時,客廳有一把熟悉的女人聲。
「早晨,你醒喇?林浩仁。」
我嚇了一跳心想{佢叫緊邊個?仆街!唔撚係咁猛日光日白撞鬼下話?}
但下一秒想起自己已死過一次,還遇上一個自稱「神」的神秘女子,這世上還有怎麼可以怕?我走出洗手間向客廳方向前進!果然,熟悉的女聲是那個自稱「神」的人發出,她與早前一樣托著頭望我,不同的是她換上了黑色連身裙。
「點解你又會係到?」
「我依家係到係要再同你講啲細節詳情,之後我會走嫁喇,你都係換左校服先,已經幫你搞左入校手續,你八點鐘要翻到學校,學校位置已經係電話到,開GPS就得。」
我拿起手機,"2040年9月3日 星期一 6:30am",為什麼第一日就要上學呢?給我休息一下不行嗎?好歹我早前經歷了很多事,還下定決心要死,這個女人真的是變態⋯
「人工島?我死前仲未完工,一次都未望過係點,估唔到十年後咁快就起好仲可以運作。」
「你死後一年後已經可以運作啦,係你死得早,死前都不理世事姐!」




「邊到咁得閒去理,我呢啲經典"社畜"只係想搵多啲錢,求日後組織家庭安居樂業姐,人人都係咁嫁啦,但呢種生活,我已經厭卷⋯呢個香港呢個世界就係咁荒謬⋯」
「警告你唔好再放負,難得比多一次人生你,仲要係校園生活,開心啲得唔得?」
「學校,就係社會嘅縮影,有分別嗎?」
「唉,隨得你,反正你點都要過呢兩年!入正題,你依家住緊呢到都係人工島其中一個地方,你翻學都算叫近,因為你依家身份係學生,我會盡量支援你呢兩年嘅日常開支,呢張卡有五十萬正常都用到你死為止,屋租我另外幫你交埋,所以唔洗擔心錢方面,但都唔好咁大洗,用哂自己想辦法。」
「如果我想食煙咁點?心癮至難頂⋯我依家呢個樣點買?」
「雖然你依家係中學生,但為左方便你可以自己生活,所以我設定你為18歲,依家你叫林浩仁,呢張係你嘅身份証,解決你燃眉之急比一包你先。」
她彈了一下手指,撻——,變出一包香煙和火機,我立即接過來亦燃點一支香煙,我已經想吸煙想到不理會是否我喜歡的牌子
「仲有無其他須要?」
「暫時無」
「如果有就打比我啦,聯絡人有我名嫁喇,我叫凜,無其他事咁我走先」




「哦,我都要洗臉換衫」
「呀——漏左件事未講,就算你依家係學生都唔好隨便玩弄學生妹感情,好唔道德!不過正常談戀愛我都唔會阻止,畢竟青春都係人生一部份嘛~」她掩咀暗笑地說
「放心啦,我都已經對愛情都無乜希望,加上我內心已經三十幾歲人,仲去媾學生妹咩?講出黎都怕比人笑。」
「同埋你嘅事唔好同其他人講,雖然就算你講左都唔會有懲罰,但人地信唔信你先係個問題,只會覺得你係痴線,如果你想其餘兩年都係精神病院度過的話,你即管講。」
「當然唔會講,你當我真係傻嘅咩?」
「唔傻就唔會自尋短見,走先,Bye~」凜彈了一下手指,便化作一道煙在我面前消失

我梳洗過後,拿起凜剛給我的夏季校服並穿上身,白色恤衫,黑色西褲,鮮紅色領呔,經典的校服組合,幸好校服都是修身,不像以前古板的剪裁,否則我不會穿上街。7:15am——我拿起書包,關掉冷氣便出門口,看到門外豪華的裝修,我大吃一驚,如此奢華的寓所應該很貴,凜給我住這麼高級的地方都算是待我不薄,我進入升降機便準備迎接我的新生活。走出寓所大門後,我額頭流下了一大滴汗,不是我害怕的關係,而是這個夏天真熱⋯⋯
接受日光洗禮同時,我拿出手機開GPS,輸入「輝月紀念中學」,照路線步行15分鐘,我邊行邊看周圍的街景,人工島建設於青衣對出海上,約有一個屯門大小,說大不大說小不小,有行車公路可進出,也有地鐵可以選擇,交通算方便,還可以用行人橋步行去青衣。雖然新建成不到十年,但貌似已經發展完成,已經有住所、商場、學校、醫院等設施,真是個發達的社會⋯⋯
我在步行途中順便查看所讀中學的網站,我粗略看了兩眼,它宣揚給學生自主,大部份都是交給學生自己處理,以便日後投身社會,學習解決問題,但教師及校方有保留最後的決定權處理特別事件。




走了15分鐘的路,終於到了「輝月紀念中學」,但這所學校是不是大得有點過份⋯⋯先不說比正常學校大至少五倍以上,但是擁有自己的花園和小型人工湖是甚麼玩法?果然有錢就是任性!
看見已經有學生進入學校內,我也跟著進去,進入教學大樓先要經過一個小花園,我四圍打量周邊像夢一般的風景,同時留意到周圍都是年紀比我小的學生,搞到覺得有點不好意思,男生的校服當然和我一樣,而女生校服就是兩件式,白色恤衫,深藍色格仔百褶裙,領前綁上一條鮮紅色的蝴蝶結,整體上有點像日本高中生校服,雖然很可愛,但因為道德上關係告訴自己不能心動的!不過現在校裙可以那麼短嗎?不會犯校規嗎?果然時代不同了⋯⋯
我走進校務處,領取手冊及入學須知後坐下等待班主任來接我到課室,因為剛剛在網上粗略查閱過,所以沒有專心看內容,但不知道有怎麼可以做,只好假裝細讀。過了一會,有位女老師走到我面前
「林浩仁你好,我叫Miss Wong,係你班主任,依家帶你去課室。」Miss Wong用溫柔聲線對我說
「哦⋯你好,咁麻煩你喇。」
我跟隨Miss Wong一起去課室,但課室在五樓的關係,要走上慢長的樓梯,他媽的行樓梯真夠辛苦!Miss Wong啊!只有我和你也不能用升降機嗎?你真的想我以後的日子要討厭你嗎?
經過一輪的運動之後,終於來到五樓了,要給自己一個讚!走到其中一間課室門前停下來,我向上一望,是5B班的班牌。
「浩仁,你係到等我,一陣我叫你入黎」
「明白!」
Miss Wong開門走進班房,
「各位同學,今年我地有位插班生加入」
「男仔定女仔,希望係個可愛嘅女同學啦~」其中一位男生興奮地問,我聽聲都知道他在發春,但很抱歉,我是個男人
「哈~入到黎你地咪知囉,插班生可以入黎喇」
我嘆了一口氣,就開門踏入課室。





——我的第二人生真正開始了——
已有 0 人追稿