行山遇到三條女（少甜）: 考試篇

唔知大家有無最後一日考試，特別緊張既感覺呢，特別我淨係得返旅款依科elective（可能我無講清楚，姐係我drop左一科呀)。

如果我依科炒左就真係一子錯滿盤皆落索，一到考試就諗啲咁既野，搞到我失眠既情況更加嚴重。本來9:00落床，最後2:00先瞓到#cry#dog。

好彩我校左十幾個閙鐘，如果唔係真係醒唔到，食埋媽媽個靚靚早餐同埋飲埋枝咖啡就上戰場啦。

芷晴就係一朝早就打左段長文俾我，主要都係叫我加油努力之類。

而Irene係六點半就已經開始問我「起身未呀」「到未呀」嗰啲野。



我真係有啲無奈，就答佢「小姐你早左半個鐘呀，仲有成兩個鐘先考呀，真係好急喎你」

佢就回我「梗係急啦，急住見到你呀嘛」但係唔夠兩秒，佢就可能覺得唔應該咁講，就del左message，佢梗係唔知我睇到啦。

我依啲有女朋友既，無理由繼續flirt女架，佢del我就扮睇唔到啦。

然後又重新打過講「快啲啦」

我就講「好好好，好快到」



到左黨鐵門囗之後，就離遠見到佢。

雖然，今個星期日日見佢，但係化下妝既女仔真係唔同好多，每一次都令人眼前一亮，今日去考試，所以佢就化左個淡妝算，但衣著就配左條碎花連身裙。

成個人既氣質都昇華左唔少，唔講以為佢去拍拖呀。係度色誘考生，真係好唔應該呀#no#。

然後，我就行左過去。佢見到我即刻笑左出聲，「浩然，你搞咩呀，咁大個黑眼圈既」

我就答佢「無呀，失眠呀」



然後，我地就一齊行左過培敦。

我地係出面再睇左睇，就要入去禮堂啦。入去之前，Irene就再同我remind左啲point，再同我講「你唔好炒呀，影衰你師傅我呀，加油啦。」

然後，我就入左試場，佢就上左課室，卷一感覺上都幾容易，好多都係我主要溫過既terms。卷二我就開始有啲眼瞓既跡象，迷迷糊糊咁，但都逼自己打起精神寫齊哂d point。雖然描述得有啲短，但應該都ok掛。

出到黎之後，就感受到一身輕既感覺，但係又好唔真實，好唔實在，無last day，無兼職，無未來目標，依架仲要無埋dse考生依個身份，依架自己好似咩都唔係咁。

等左無幾耐Irene都落埋黎，隔離仲有啲人。

然後，Irene就突然抱住我隻手講「依個就我男朋友啦。」啲人聽完之後就有啲不憤同失落咁走左。

我就有啲不明所以咁望住Irene，佢就答番我話「啲人問我攞電話，我唔想俾，咪話我有男朋友囉，佢哋唔信咪借你過橋囉，嘻嘻。」

我講「哦，原來係咁。」



可能佢覺得我今日不在狀態，所以對今日考試都隻字不提。

無幾耐whatsapp個山系男女群就有信息傳出。