行山遇到三條女(少甜): 新同事篇1
第二日起身,十八歲生日後既第一個清早,咁快就要返工啦。
我好快咁食完早餐,就去左返工。
好彩老闆好人,任我地返工咁濟,所以今日應該有三個人一齊返工。
返到去店舖,就見到嗰個新黎既同事,原來係女架,佢就係到抹緊間舖既枱櫈。
老闆娘就過左黎講「浩然返左黎啦,介紹你識新同事。」然後就揮手示意佢過黎。
佢就慢慢咁轉過頭,秀髮緩緩飄動,佢既樣貌都開始出現係我眼前。
一雙水汪汪既大眼睛,明淨清澈。小巧玲瓏既嘴唇,微微張開,真係搞到我好想一親芳澤。高挑既身材,高冷既氣質,同芷晴差唔多,但係又比芷晴多左一份成熟既韻味,真係可以算得上仙女下凡。
佢慢慢咁行過黎,氣場磅礡,搞到我都有小小驚。
佢眼神稍有銳利,然後伸出左佢既右手講「李可嵐」。
我都同佢呃左手「我叫陳浩然呀,你叫我浩然啦」
講完之後,佢就走開左。老闆娘就繼續同我講「佢依架大三,黎依到返part time,二十一歲,無男朋友。」
我聽到之後,就打斷佢「老闆娘,你話咁多俾我聽做咩呀。」
老闆娘就話「無呀,我見你望到人實一實,我以為你要知咋。」
我聽到之後,就有啲尷尬咁咳左兩咳講「無野,我去做野先啦。」
行走左之後,先見到Irene係度啤住我講「好望得喎你。」
我就講「無呀,新同事介紹下咋。」
Irene就講「係先好呀」打左我一下屁股「入去做野啦」
入到去廚房就見到老細「早晨老細」「點呀阿仔,你兩條女成點呀。」
我就講「還好啦,但係老細你覺得兩條女共存,姐係一齊出街咁係有無可能呀。」
老細就講「無話無可能既,當年我朋友一拖五添啦,睇你有無咁既實力姐。」
我就好驚訝咁講「咁癲」
老細就講「一拖幾通常都無好下場架,最後佢孤獨終老呀伊架。」
我就回應左個「哦..」
老細就講「你自己諗清楚啦。」