行山遇到三條女（少甜）: 事情曝光篇1

我扮到好驚喜咁講「你地黎左既」一早已經諗定台詞啦。

可嵐就衝左上去攬住芷晴「芷晴好耐無見啦」條女真係唔識架喎，明明尋日先見完，話好耐無見？咁之前扮啲野咪無哂用囉。

不過今日既目標唔係講佢。

芷晴同可嵐攬咗陣「係囉，我地好耐無見啦Yeri。」摸左一摸佢個頭，就鬆開左隻手。

就繼續同我講「係呀bb，我係屋企太悶，咪叫深田陪我黎囉，去睇左套戲順便黎探下你囉。」



我:「哦，咁你地坐低先啦。」

我就擰轉頭去做野，但係就俾我見到老闆娘火爆爆咁啤住我。望左陣又擰轉面唔望我。

我就望向老細，老細就過黎捉左我入廚房，「阿仔，你同我講下發生咩事先。」我就慢慢道出事情。

老細就講「你都叻仔啦，有得係港島安全拍拖你唔拍，係都要返黎九龍。」

我:「我點知芷晴會過黎姐:-(，同埋老闆娘點解咁嬲既，佢啤到我實一實呀」



老細:「你都知我啲風流史架啦，咪搞到佢好憎人一腳踏兩船囉。」

我:「屌，唔撚係掛」

老細:「那，咪話我唔教精你啦，你而家就快啲趕走芷晴，然後就冧掂阿欣啦。」

我就攞左啲餸出去俾芷晴佢哋快啲食完走，「兩位小姐請享用」

點知芷晴就捉住我隻手講「你頭先去左邊呀」



點解芷晴會知架，我望一望見老闆娘係收銀到，應該唔係佢。可嵐就揼低左個頭無講野，我有預感係佢唔小心講左出黎。

我:「我頭先..........」

芷晴就打斷我講「去邊要諗咁耐架咩，係咪又諗住講大話呃我呀。」一邊講就一邊攞起個袋同拉住深田起身就走。

我應該點做呀，真係要講出黎？「乖啦，我地返屋企先講啦好無呀」我拉住佢隻手。

芷晴就狂咁掙扎「鬆開我隻手呀」

我就拉住佢一路出去，同埋俾左個眼色深田，叫佢唔好出黎，佢都點一點頭。