行山遇到三條女（少甜）: 氹氹芷晴篇1

第二日起身，無任何既電話搵我，搞到我都唔知返唔返工好。

唉算啦，都係返下啦，橫掂又無野做。

我去到間舖到，就見到芷晴同Irene都係哂到呀。

我就好開心咁行左過去問「芷晴，點解你係到既。」

芷晴:「點呀，我唔可以係度呀，係咪阻到你偷食呀。」芷晴語氣仲係串貢貢咁。



我:「唔係呀，見到你好開心姐。」

另外，就見到可嵐都係度，不過計番日子，今日既係冷漠既可嵐，都係唔好搞佢好啲。

間舖多左芷晴之後，人手充足左好多，應付人流真係綽綽有餘。

不過又係嗰樣野啦，啲客見有新店員，就又狂咁搞佢，芷晴仲要專登同啲客傾得好開心，又好似俾埋IG咁，真係嬲豬呢。

我完左午市之後，我就拉左芷晴過黎講「你咁樣俾IG人唔得架」



芷晴:「關你咩事姐」然後就坐開左同Irene坐，無理到我，真係慘呀我。

之後，我地就食中午飯。真係哭撚左，成枱就各有各傾，最後就淨係得返我同可嵐係度唔知做咩好。

我唯有亂咁同佢講下野啦，「係呢，可嵐你讀邊間u架」

可嵐:「中大」

我:「嘩，暴大喎，你有無份打呀」



可嵐:「無」

佢一句無又收左我皮啦，唯有扮哂野咁講「係呢，我睇你咁多日，其實你係咪有雙重人格架。」

可嵐既面色一變，好似講中左佢咁。之後就無再理我。

屌，無人理我，就唯有安靜食飯啦。

晚市既時候，老細見出面夠人，就拉左我入廚房，做佢副手。

我地一路煮就又一路傾計。

老細:「點呀仔，又搞成點呀。」

我就又講下尋日發生既事。



老細:「光明正大一拖二啦，你多謝下可嵐添呀。」

我:「吓，認真咩，芷晴依家仲係好嬲咁喎。」

老細:「真係話你on9驚你嬲呀，都唔知你憑咩可以溝到兩條女架，女人，你偷食就梗係唔可以咁容易原諒你啦，你要有方法令佢下左啖氣佢，唔係話你尋日嗰三言兩語就得架。」

我:「咁係咩方法呀」

老細:「天機不可洩漏」屌你呀，又扮燈神。

咁我究竟可以做咩，或者買咩黎氹佢呢:-(。