行山遇到三條女（少甜）: 氹氹芷晴篇2

搞掂完午市之後，我地就圍埋一齊食左個韓式火鍋。

老闆娘:「多謝咁多位既支持，今日既營業額高左唔少呀，今日就請大家食個打邊爐啦」然後，接著又攞左啲雪花牛肉同一啲食材出黎。

今餐真係好正，淨係食牛都食到飽啦。

但係真係可以點樣氹返芷晴呢，芷晴咁純咁好人，買個橙俾佢得未呢。

Irene:「走啦，浩然」



芷晴同可嵐就行前面，我同Irene就係後面，我就問Irene「Irene你覺得我買粒橙氹唔氹到芷晴呀」

Irene就望一望我「你講笑咋話」

我:「我好認真架」

Irene就啤一啤我講「真係唔識架喎你，不過最緊要係心意架咋，你去附近買個情侶手鈪啦， 再灑下佢冧就應該得㗎喇。」

有條女幫自己溝女真係好正呀，我就偷偷地錫左佢塊面一啖講「咁你幫我同佢哋講我有野做走先啦。」



Irene就耳仔紅紅咁講「好呀」

之後，我就向行左陣，就到左一間手飾舖到，周圍睇，都無咩啱心水。

個女店員就走左過黎，問我「先生你想要咩呀」

我:「我想要啲情侶手鈪，攞黎氹女朋友架。」

女店員:「哦，你可以自製手鈪喎。」



我:「哦，都好喎」

佢就帶左我去整手鈪到，不過真係好辛苦，要由一條鐵條打到佢變圓形，再要刻名，又要打磨，你都咪話唔辛苦。

整完之後，我就諗起左一樣野，我就問店員「可唔可以俾多條我整呀。」

女店員:「但係先生，依條情侶手鈪黎架喎。」

我:「你唔好理啦。」

女店員就用啲好奇怪既眼神望住我，若有所思咁講「哦」之後我就又整左條。

女店員:「 盛惠三百蚊呀唔該」每條一百都算係咁啦。

我望一望隻錶，發覺都已經成十一點幾啦，快啲返屋企啦。



我就攞住袋野好開心咁返到黃大仙，咁啱就行過樓下公園，就見到可嵐自己一個係度飲酒，一枝又一枝咁隊。