行山遇到三條女(少甜): 可嵐心靈篇1
我就靜靜雞咁行左過去佢後面,之後坐左係佢旁邊到。
飲完酒之後,反應力真係慢啲,佢再望一望過去旁邊既時候先睇到我「嘩,嚇死人咩」
佢依架應該只係啱啱開始飲,未話真係好醉。「你做咩自己一個係公園到飲酒既,好危險架。」
可嵐:「關你咩事姐」飲酒真係令佢敢言好多。
我自己又攞起左一枝酒打算陪佢飲。
可嵐:「屌你.呀,扮哂野,係到呃酒飲。」
我:「我俾返錢你啦」
可嵐:「咁就.差唔多」
大家都一直係度飲,成枝成枝咁隊。
我:「係呢,你做咩係度飲酒既」
可嵐:「唔開心咪..飲囉」
我:「咁你做咩唔開心呀」
可嵐:「今日就係...因為..一個人」
我:「邊個咁衰,搞到你唔開心呀」
佢突然指一指我「你呀」
我又指一指我自己「我?」
可嵐:「係呀」
我:「我做左啲咩呀」
可嵐:「你真係..唔知架,你無端端....就問我係咪雙重人格,真係搞到我好...赤裸裸咁,搞到我好sad呀,我一開始...唔話你知....就實係有原因啦。」
我諗返起啦「係喎,唔好意思呀」
可嵐:「你點知...我係DID架」
我就為左唔好出賣芷晴就講「我自己發現囉」
可嵐:「我仲以為係...芷晴話你知添,原來仲要....唔知既,咁仲衰萬一我唔係,被你咁...講都幾傷。」
我:「對唔住呀」
飲下飲下可嵐就開始肯講下自己啲野。
可嵐:「你同Yeri...相處落,覺得點..呀?」
我:「幾活潑幾可愛呀」
可嵐:「其實我真係...好多謝Yeri,佢真係...充當住我既開心果。細細個既時候...我被媽咪話,爸爸打,我怕被人鬧被人打...嗰種恐懼,佢就出左黎...幫我承受所有野,我隔日就....淨係感受到痛。」
我睇過24個比利,好似話啲人格分裂者憶述童年既時候,要多加安慰。
不過我真係唔識安慰人呀,我就講「真係估唔到你有啲咁既經歷呀,話說我當年被老母打,都係嚇到雞飛狗走咁呀。」
唔知係唔係飲完酒都特別容易笑,佢就係度哈哈大笑,搞到我都笑埋一份。第一次望到真係佢笑,真係好甜呀。
忽然,就有班MK仔咁既物體行左過黎。