行山遇到三條女(少甜): 可嵐心靈篇2
真心驚,都係拉住可嵐隻手走啦「喂,走啦」
可嵐就鬆開左我隻手大叫「做咩..抽我水呀」
我:「快啲走啦」但係可嵐就攤軟左係張櫈到。
一行五人既mk無耐就行左過黎,依個時間點算呢,會唔會打我,然後姦左可嵐架,大佬五個人我真係唔夠打架。
點知佢哋過黎話「哥哥呀,我地未夠十八呀,可唔可以賣啲酒俾我地呀。」
嚇死我啦,原來要酒姐「我地唔飲啦,你地攞去啦」
mk:「真係唔該哂你呀」就攞住啲酒去旁邊飲。
睇黎mk仔都唔係個個都好似凱婷牛丸咁姐,都幾有禮貌呀。
我望一望旁邊既可嵐,已經攰到瞓著左,拍極佢都唔醒,我就孭起左佢,同啲mk講「拜拜啦」
mk:「拜拜」
又唔知佢住邊,唯有就帶佢返屋企啦,飲完酒,成個人真係重左好多,孭落都幾辛苦下。
幾經辛苦,終於都孭到佢返黎屋企,我就一野放咗佢落梳化度。
我就梳洗左下之就瞓左。
第二日起身,矇矇矓矓就見到有個人係我床旁邊望住我。「早晨呀浩然」
我:「咁早既你」就準備起身。
可嵐:「係呀,尋日你同可嵐發生左啲咩呀」
我一路飲水一路答佢「無呀,咩事都無發生喎」
可嵐奸笑咁講「係咩,佢返到黎好似好開心咁喎」
我就轉移話題講「哦,你地係咪有屋仔,有個光圈黎決定邊個出黎架。」Yeri健談啲,所以我就問下佢。
可嵐:「哦,係呀,不過其實我地大家都比較溫和,就無好似比利咁搶光圈囉。」
我:「哦,今日星期日喎,你一陣有咩做呀。」
可嵐:「無呀,睇你頭架咋。」
我:「唔係,唔係,你自己玩,我一陣有野做架」
可嵐:「你有咩做咁巴閉呀,陪芷晴呀」
我:「係呀,你囉講漏囗呀嘛」
可嵐:「唔好意思囉」伸一伸條脷出黎。
我地一齊係屋企食左個早餐之後,我就送左佢番屋企,再攞左個手鈪去到芷晴屋企到。