行山遇到三條女（少甜）: 氹氹芷晴篇3

我:「芷晴開一開門呀」我拍一拍門。

裏面就大叫「等陣」

「咔」開門就見到芷晴著住睡衣既樣。佢望到我好似好驚訝咁，但好快就平復冷靜講「做咩呀」

我:「我想約你出街呀」

芷晴:「唔出喎」但一路講就一路開左門俾我。開完門之後，就自己入廚房刷牙。



標準既囗裏說不，身體卻很誠實。

我就入左去跟住佢講「芷晴你肯原諒我未姐」

芷晴就好輕挑咁講「未喎」

我:「咁你點先肯原諒我呀」

芷晴:「睇下你誠意啦」



我就拉住佢空閒既手講「黎啦，咁你跟我出黎呀」
就拉住佢出左個廳到。

我就攞左隻手鈪出黎。

佢隻眼即刻發哂光咁「好靚呀，你自己整架」

我:「係呀，上面仲刻左你個名架，你睇下我都有一隻架。」就俾隻手佢睇。

芷晴就攞自己隻手鈪同我隻拼埋一齊。



芷晴:「係喎，都幾襯喎，欸，仲有隻嘅」佢就攞左出黎睇，我諗住阻止佢，但係已經為時已晚「寫住Irene喎，你啊，真係愈來愈大膽啦。」然後就篤住我個頭。

屌，我真係無腦架，咁都無攞走到。

芷晴接住就講「不過見你咁有誠意就原諒你啦」我望住芷晴擺左一個愕然嘅表情，望住芷晴成個人都發住一種光芒，係綠色呀，綠色架。

芷晴之後就不停玩隻鈪。

我:「你真係原諒我呀。」

芷晴:「係呀，你想我講幾次呀」

我:「多謝bb」之後我就緊緊咁抱住佢。



芷晴:「透唔到氣啦」打一打我背脊。

我就緩緩咁鬆開手。

之後我地就不停咁煲劇，食左陣飯，又再煲，由朝煲到晚，其實同芷晴一齊煲劇真係幾開心，又唔使一個人咁悶，兼且我地睇既劇又差唔多。