行山遇到三條女（少甜）: Irene視覺篇

----------Irene視覺

係日曆上面又塗咗日，原來得返兩星期咋。大大既紅色圓圈圈住左21號。

Irene媽咪:「喂，Irene，你準備好啲咩passport，簽證，行李嗰啲未。」

我:「差唔多啦。」

Irene媽咪:「你準備好啲啦，你阿爸都搞哂啲咩移民手續啦，仲有兩個星期可以去澳洲有得好食好住又有得一家團聚啦。」



我:「知道啦」

我入返房入面，執拾房間，塊紀念牆啲相都要一張一張咁拆下，去到最後一張既時候，我舊舊不能撕下。

嗰張係我同浩然上飛鵝山時候影既相，佢嗰時個樣真係好好笑， 靦靦腆腆怕怕醜醜咁，我拖住佢隻手，都驚到死咁。

睇下睇下眼眶就濕潤咗起黎，不禁流左滴眼淚，一滴又一滴咁擱淺喺地板上。「我真係...好唔想走呀」。

最後都係忍痛撕左佢落黎，存放左係儲物箱入面。