行山遇到三條女（少甜）: 氹氹芷晴篇4

食晚飯既時候，我就小心翼翼咁問芷晴「芷晴呀，咁...你對我同...Irene點呀。」

芷晴既神情即刻變得暗淡，我見到就講「無野啦，無野啦，你..你當我無講過啦。」

場面即刻變成好凍，屌真係唔識講野架我。

芷晴突然掛上一個虛假既笑容講「唔係呀，一齊玩囉。」

我見到咁我仲驚「唔係呀芷晴，我講下笑架咋。」



芷晴:「唔係呀，我認真架」

我就伸手摸一摸芷晴個頭，佢就問我「做咩呀」

我:「無野，睇下你有無發燒姐。」

芷晴:「俾你真係一拖二呀，仲想點呀。」

開心仔，之前諗既野竟然真係實現左，我就錫左芷晴一啖。芷晴就笑一笑，打左我一下「死傻仔」



我地就繼續睇下劇咁，但係芷晴都係一臉愁容咁，女人應該真係唔會想同人分享自己既男朋友。

-------------芷晴視角

真係一諗起Irene就黎要走，我就接受唔到。

條傻仔仲以為我係因為我要同Irene要分男朋友而唔開心。

但其實當初係公園。我靜靜咁坐係長椅到。



Irene:「對唔住呀芷晴」

我:「我真係估唔到同我識左咁多年既朋友，竟然會同我搶男朋友。」

Irene:「我都唔想架，我當初知道你同浩然一齊，我個心真係好痛，我本來諗住我可以忍得住，幾難我都忍左佢，但係我要移民啦，我要去澳洲啦，依加得番兩個星期咋，我為左唔好留低遺憾，我先同浩然告白咋。」

我:「吓，移民，你做咩唔同我講呀」

Irene:「依樣係我自私，我想大家都開開心心，俾我一個美好既回憶。但我當初真係無諗過浩然都會應承架。」

我聽到之後，眼淚真係唔小心咁漏左出黎，抱住左佢不停咁淨係講「你做咩..唔同...我講呀」

我就咁就攬住左Irene五分鐘，佢就不停拍我背脊安慰我。

慢慢就停低左眼淚。



Irene就問我「芷晴，我地可唔可以一齊埋依兩個星期呀。」

我當然明白佢講咩啦，我就諗左陣，就點一點頭，都係兩個星期姐。

最好既朋友即將要離開自己，種感覺真係好痛苦，相處既時間就好似沙漏咁倒數，其實Irene唔講俾我地聽，真係唔係因為自私，反而係自己承受一切。

知道卻無力挽回。直到結束。