行山遇到三條女（少甜）: 一齊返工篇1

第二日起身，我就就叫醒芷晴「起身啦，芷晴返工啦」

芷晴慵懶咁起身講:「唔....夠..鐘.啦」

啱啱先搞掂芷晴話俾我同Irene一齊，其實真心想同佢哋一齊去玩。但係真係迫於無奈要返工。

我:「係呀」

我地梳洗完，就一齊食左個早餐，食完之後，就拖住手仔去左返工啦。



我:「係喎bb，你原本做嗰間餐廳點呀。」

芷晴:「我直接無做啦，今個月啲糧都無哂」

我:「吓，點解唔做呀」

芷晴:「你地老闆娘話請人，我咪快啲黎陪你囉」

我:「多謝bb」



我地就行到間舖到。「早晨老闆娘，Irene」「早晨呀」

我:「欸，唔見可嵐既」

老闆娘:「哦，佢今日去做心理治療喎。」

我:「哦，咁我入廚房幫手先」

入去既時候，就順便打左下Irene屁股。



佢就望一望我，我就舉起左隻手指公俾佢睇，示意得左啦。

佢就微微咁笑一笑。

我就入到廚房幫老細手。

老細:「咁早既阿仔」

我:「係呀」

老細:「阿仔，你同佢哋又點呀」

我又講左尋日發生啲事。

老細:「都話你得架啦。」



我:「希望係咁啦，但係都無咩時間可以拍拖。」我望一望老細，暗示一下佢。

佢又望望我講「你講依樣咋，得啦，我俾你地得閑放假啦。」

我:「真係架，但係你地三個夠做咩」

老細:「夠做啦，之前兩個人都係咁做啦，有埋可嵐咁做得野，可以架啦。」