行山遇到三條女（少甜）: 一齊返工篇2

話咁快就要開工啦，無左可嵐我地樓面啲工作效率都係差咁啲，不過都算係咁啦。

完左午市之後，我地就坐低食飯，老細佢哋就因為仲有幾個客要搞，所以遲啲先食。

我就同佢哋講:「老細話得閑俾多啲假我地去玩呀。」

Irene:「真係架」

我:「係呀，有咩地方想去就同我講啦」



Irene:「哦，好呀」

但係芷晴都好似都係神不守舍咁。「哦」

我:「唔...，我食完啦，我返去做野先啦」

我就返返入廚房，等老細佢哋休息下。

返工其實真係一樣好悶既事，每日都要做住一式一樣既事。



老細休息左下就入返黎，開始我地既晚市階段，老細就都係講下自己啲風流史同佢朋友點一拖五咁。

講到話，中學既時候，全校既靚女佢朋友都屌過哂咁，講到似層層咁，聽到我都只有羨慕的份上。

都為我煩悶既工作上，加上一點樂趣。

完埋晚市之後，我就都係學左下啲燒肉技巧咁，老細就放左我走。

我地食埋晚飯之後，我就拖住芷晴同Irene隻手，真係人生第一次一拖二。



佢哋大家都望一望向我，種感覺真係好正。

Irene就打一打我個頭「你就爽囉」

我就傻傻咁笑一笑。

途人行過都係眼甘甘度望住我地，真係好有成就感同滿足感呀。

到左巴士站之後，我就特登同Irene講「我愛你bb，黎個goodbye kiss」

我就錫左落Irene既嘴唇上「mua」

芷晴就望一望我，眼球上下移動左下。但就無理我。

Irene就除除咁低下左頭，「拜拜啦芷晴，浩然」


「拜拜」

我同芷晴送別完Irene之後，就行番返去黃大仙，但係芷晴都係粒聲都唔出咁，係唔係玩大左呢。

我:「bb，我玩下咋，你唔好唔開心啦。」

芷晴:「無呀，我無唔開心呀。」

我就伸手摸摸佢塊面，再用啲好鬼異既囗吻講「你個心情都寫哂係你塊面到啦。」

芷晴就被我逗笑左「嘿嘿，無呀，真係有野諗緊咋。」

我:「咁你諗緊啲咩呀」

芷晴:「我諗緊....Irene生日囉，你知唔知佢過幾日生日呀。」



我:「吓，唔知喎」估唔到Irene生日同我咁近喎。

芷晴:「咁你要準備下啦。」

我:「好呀，咁你唔好再諗啦，笑返啦。」我再輕輕一吻係佢嘴唇上。

芷晴:「好啦」佢淺淺一笑。

到到芷晴屋企之後，我就講「我唔入去啦，拜拜bb」「拜拜」

返到屋企之後，我就問阿傑「阿傑，你可唔可以借個營俾我呀。」

阿傑就覆我講「做咩呀，你同邊條女去野外露出呀。」



我:「兩條呀，一王兩后呀。」

阿傑:「嘩，屌你浩然哥咁威呀，真係一拖二都得既，阿豪知道左一定sad爆。」

佢講到咁我就尷啦「咁你借唔借呀。」

阿傑:「借呀，得閑你自己黎攞啦。」

忽然，門鈴就傳出左「叮噹」既響聲。咁夜唔知邊個呢。「等陣」