行山遇到三條女(少甜): 失去篇2
之後我地就上巴士返市區,我搵位坐低左,芷晴就即刻坐左落我旁邊。
可嵐同Irene就唯有坐係前面個位到。
芷晴就輕輕勾住我手臂,靠係我膊頭到。小饅頭係我手臂到擠壓。
我就摸摸佢個頭。佢又望上黎,甜甜一笑。
不過我就開心唔太到啦,一諗到嗰二千蚊就...:-(,成個月糧啦可能。
我又望一望芷晴,佢已經瞓著左啦,均勻咁一呼一吸,嘴唇微微張開,眼睛緩緩有滴眼淚垂直咁流過佢面頰。
我幫佢抹左啲眼淚之後,就望向左窗外既風景。
巴士由郊區慢慢駛向市區,慢慢多左指示牌,多左紅綠燈,多左石屎樓。綠色既樹林逐漸消失係眼簾。每次都有一種難以言喻既空虛感。
人類既進步,雖然令到生活變好,但同時令到好多野都好物質好複雜,我都有啲明白古時詩人隱居田園既想法啦。
「唉,到鑽石山啦芷晴起身啦」生活還要繼續。
佢就有啲起床氣咁「俾.我..瞓..多陣..啦」
我:「你唔落車,自己行番去啦」
芷晴:「起啦」
我地就陪Irene等埋車之後,就行番去黃大仙,送埋芷晴同可嵐番屋企。
去到屋企樓下,果然不出我所料,就有人拉住我隻。無錯又係可嵐呀。
我:「我都估到係你架啦,算啦上黎啦」我轉身就諗住上去。
點知佢又企定定係到,無喐到。
我已經有啲唔耐煩講「又點呀大小姐」
可嵐:「去海洋公園」
海洋公園我又真係心動喎,可以去散下心,其實我同班女都一樣,成日都好容易唔開心,觸景生情。唔係喎「海洋公園啱啱開番,淨係接受網上預訂喎,我邊到搵張飛俾你呀」
佢就攞左兩張飛出黎,拖住我行「快啲啦」
我就任由佢拖住我行「好大執陰毛呀」無端端有飛,仲唔係早有計劃。