行山遇到三條女（少甜）: 快樂時光篇8

我一直跑到客運大樓。腦中不斷浮現龍脊相遇，補習，教佢煮飯，一齊返工既畫面，所有都係如此深刻。

我不斷咁跑，眼淚就係眼眶湧出，身邊既人都望住我，但我都無理會，真係跑到好攰，拖鞋都就黎爛，但即使力竭，我都堅持落去，因為我知今次唔見可能一世都無得再見啦。

我去到禁區囗既時候，就見到Irene啱啱要交護照同機票，旁邊仲有佢媽咪。到我真係見到既時候，本來想質問，疑惑既問題通通都講唔出囗。

到依刻我究竟可以做咩呢。

睇住佢地既身影正想行入去既時候，我不禁大叫左聲「Irene」



佢哋轉個身黎望住左我，望到我之後，就好愕然咁望住我。

我就衝左過去抱住左佢講「我愛你呀」

佢聽到之後，都慢慢熱淚盈眶。帶住哭泣聲咁都我講「唔好...意思..呀浩然..」

佢捉住我個頭，凝視住我，我都望住佢淚流滿面既樣，眼神裏面包含住好多既情感，有無奈，有痛苦，有悲傷，佢錫左落黎，純情既一吻，單純咁雙唇緊貼，大家既眼淚都跌左落唇邊，互相感受住大家既感情。

係最後既時候，佢仲咬左我嘴唇一下，唇肉緩緩流出血液，卻唔夠心黎得痛。最後既印記，但又唔知可以留到幾時，或者後日就消失。



Irene媽咪毫無情感咁講「夠鐘啦，快啲啦」

Irene:「再見..啦，我都..愛你...浩..然」佢轉身就離開左。

這麼近，那麼遠。想捉住佢隻手，但已經再都捉唔實啦。

家庭究竟係幾大既負擔，每個人都要因佢而低頭。

一句我養你，話唔定就可以令佢回心轉意，而留下，但又做唔做到，講唔講得出囗呢，無實力，就只能眼白白見到你擁有既野一一離開。



最後，只可以望住佢傷心既身影緩緩行去禁區，無再回頭。

命運就係咁作弄人，則使給你改變既機會，最後都可以係徒勞無功，咩都改變唔到。

或者可以見到最後一面就已經係上天對我最大既恩賜啦。

但係依種痛苦既壓力，沉沉咁將我壓下黎，無力感令我無力支撐身體跪係地上痛哭。