行山遇到三條女（少甜）: 不快樂時光篇1

突然間就有隻手攞住紙巾伸左出黎，我向上一望原來係芷晴隻手。芷晴無講野，面上帶住淡淡既憂傷，旁邊仲要有深田係旁邊。

依架我一定係滿面淚水同鼻涕，為左假裝堅強，我就強忍心裏既痛楚，收起左哭泣聲，攞左張紙巾講左句「唔該」。

自己默默咁擰轉頭抹乾面上既液體，再平復左下情緒就擰番轉頭問佢哋「點解咁突然既」

深田就係背包裏面攞左個信封出黎交左俾我「你睇左佢啦」之後佢哋都走左。

我就迫不及待去睇信封入面既野，就無理會到佢哋既離開，連再見都無講到，搵左機場旁邊既座位坐左落黎睇信。



封面上面有一串秀麗既字體寫住「致浩然」，我認得係Irene既字跡。我就翻開信封，入面有一隻光碟同一張紙張。

我就攞左張紙黎睇「
浩然:

浩然，當你睇到依封信既時候，我可能已經移民左澳洲啦，好老套呀可。

當初我聽到我要移民去澳洲既時候，真係接受唔到，仲同屋企人噪左幾次，又徹夜難眠，但係屋企既決定，我都無得選擇，只可以默默接受。

嗰時我仲要啱啱知道左你同芷晴係埋一齊，真係大受打擊。



本來諗住就咁就放棄，但係我唔想我第時後悔呀，所以就傷害左芷晴，做左人見人憎既小三。但係依段時間真係我人生中最開心既日子。

或者我真係一個自私既人，我為左你唔使受我移民所牽掛，就無同你講移民既事，想大家開開心心過埋剩下既日子。

兩個月既時間，相識相愛，話長唔長話短唔短，但我地都經歷左唔少事，有開心有唔開心，但係一切都係我地既回憶，離別，係人生必經階段，無可能唔傷感，無可能唔流眼淚，但我地都要學識忍痛接受。

我同你既事，你就當夢一樣讓佢隨意消逝啦，接落黎記住好好咁對芷晴呀，佢對你既愛不比我少一分一毫。

我講野唔叻，最後就送左隻歌俾你啦。



再見啦浩然。」

兩個月既時間，真係你話忘記就忘記咩，不禁握實拳頭，男兒淚又再次掉下，掉左係紙張上面化開咗，令字跡漸漸變得矇糊，一滴又一滴，慢慢傾盤而下。

喊多左陣之後，我懷住傷感趕左返屋企到，打開左CD機，放左張光碟上去，慢慢就開始播放。
https://youtu.be/7WrhE0Rvhh0

仰首太空 再看清一片藍圖星宿
怎麼拿北斗永亮透
只可半生奔馳 好比試管嬰兒
空間裡的真相不會知
沒有愛恩斯坦以及霍金的聰慧
相對問題遇到相對問題
四度宇宙折疊冷暖


愛恨活埋秒與秒之間
這秒針 轉個彎
繁華極短暫
新愛或舊愛 沒盛載
最後也失散
你叫喚時間終止
永遠沒法預知哪日得你重視
仰首太空 再看清一片藍圖星宿
怎麼那北斗永亮透 織女望向牽牛
一知半解眉頭
從維度裡繼續破解光速的變奏
空間的結構
一瞬或不朽
有時我在記憶空間找到你
分秒一起 不會問生死


最終會不分我或你

聽住歌詞就好似係Irene同我既感情咁，繁華極短暫，最後都係要分開。就好似織女星同牽牛星咁，遙相耀映，卻又被銀河隔斷，似近還遠。如此曖昧又虐心。

但我聽住歌，感覺Irene就係我身邊一樣，所以一直沉醉係入面。