行山遇到三條女（少甜）: 不快樂時光篇2

依個星期裏面，我都係沉醉係首歌裏面，無再返工，每日就食飯，瞓覺，仲有sent message俾Irene，但都係得唔到回應，就連社交媒體都無再更新動態。

期間，芷晴都打過好幾次電話俾我，但都被我拒接左，一直就咁頹廢落去，媽咪見到我咁雖然佢都好傷心，不過都無話責怪我。

今日媽咪返左工，所以我就叫左外賣，蝦仁炒蛋飯，廢青精選呀。

過左五分鐘左右，就響起門鈴，咁快都有既，我就去左開門。

開左木門之後，隔住個鐵閘就見到芷晴企左係外面，我就不自覺咁想關左橦門佢。



芷晴:「又想逃避呀」我就停左推動橦門，開左個鐵閘俾芷晴入黎。

我轉身就行左入去，坐左係梳化到，芷晴都跟隨其後，坐左落去梳化到。

大家都無出到聲，真係好尷尬，我就嘗試講野「你」「你」點知兩把聲撞埋一齊。

我:「你講先啦」

芷晴:「你做咩唔返工既」



我:「唔想返咪唔返囉」

芷晴:「淨係得我同老闆佢哋好難做呀」

我:「係咩，無野講我返房先啦」我轉身就入房。

芷晴:「陳浩然」大叫着我個名，但我都無回頭，我只係想靜靜咁自己一個。

佢就過左黎抱住左我，好緊好緊咁攬住。「你有無鐘意過我架」佢依條問題真係問過好多次。



我反問佢「依幾日，我都諗通左幾條問題想問你」

芷晴:「...」

我:「你當初點解會俾我同Irene一齊呀」