行山遇到三條女（少甜）: 不快樂時光篇3

依個問題我沉思左好耐都解唔出答案，芷晴咁鐘意我，佢點會願意俾Irene同我係埋一齊呢，就算天下既女人都應該唔會願意同人分享自己男朋友。

我解開左佢隻手，擰轉身體雙眼對視住佢。

芷晴沉默左一下，其實個答案我已經估到八九成，只要佢承認黎證明。「Irene同我講佢要移民，所以我就俾你地一齊埋依段最後既時光。」果然同我諗既一樣。

我:「姐係全部人都知道，得我唔知」

芷晴:「唔係架，得我同深田知架咋，我地想你可以開開心心同Irene過埋佢，所以先無話俾你聽咋。」



我:「咁點解去到最後一日都唔同我講呀」

芷晴有啲委屈咁講「我地已經專登偷偷地話俾你聽啦，本來Irene真係諗住就咁走左去架」

其實明明都係想我地開心，但我都係有啲嬲，好似被人暪住咁，不過我又諗返起我之前呃芷晴咁多次，又嬲唔落啦。「咁你有無Irene聯絡方法呀」

芷晴又係面露悲傷「我都唔知呀」

我:「咁算啦」



芷晴強顏歡笑又繼續安慰我講「唔好唔開心啦，快啲振作返啦，Irene都唔會想你因為佢而唔開心架。」

霎時間失去咁多野，真係好難接受「得啦，你返去先啦」

芷晴:「你食左野未呀，我煮飯俾你食呀」

我就有啲唔耐煩大聲左少少講「我叫左外賣啦，你返去先啦」

芷晴只好罷休「咁我走先啦」唔開心已經完全掛起佢面上，但我就無再講啲咩。



同時間，外賣都到左，我攞完外賣，芷晴就半推半就咁走左出去。佢回頭望一望，眼神中滿含不捨。

「嘭」一聲關門聲，將所有煩惱都通通阻隔，樂得清靜，我又再次帶起耳機，繼續聽住「有時」首歌，繼續食飯。

我真係一個賤人，根本唔值得人地對我好。情傷要女朋友幫手解決，多麼可笑。