行山遇到三條女（少甜）: 不快樂時光篇4

我得閑就攞左Irene張相出黎，望幾下就又好想見到佢，望下又諗返起平時既點點滴滴，不禁又流下傷痛。不斷輪迴係失戀既情傷之中，不能自拔。放下，話就容易，做就難。

但係我真係唔知道當初點解唔可以異地戀，long D雖然痛苦啲，但仍可相戀，即使無得異地戀，都唔使斷絕聯絡呀，兩個得閑講下野，都唔使咁苦呀，一日不見如隔三秋，無見一個星期，已經好擔心。

佢究竟變成點，佢究竟過得好唔好呢，全部野都唔知。令我不禁有同芷晴一樣既想法，佢究竟有無愛過我呢。但好快就又打消左念頭。

一個人生活，有時候好容易就會胡思亂想，令我係度諗會唔會係芷晴迫Irene唔可以再同我聯絡呢，不禁將佢定性為啲邪惡角色。

但諗多陣又覺得就算係都做得無錯既，兼且如果芷晴一開始唔接受，都唔會有後續，當時既我有得復合都唔會嬲啲咩，咁佢依架俾我同Irene開心過，我仲發咩脾氣呢。



都叫做諗通左少少，就為自己踏出第一步，諗住搵人傾下心事。

諗黎諗去都覺得老闆有經驗啲，兼且又唔想同阿豪阿傑講啲咁既事，我就去左問老細「老細，你夜晚得唔得閑呀」

佢即刻就覆我:「你個死仔呀，唔講以為你死左呀，真係擔心死我地啦，做咩呀你」

我:「失戀呀」

老細:「哦，咁今晚等我放工見啦」



我:「好呀，咁係邊到等呀」

老細:「海濱囉，有啲微風會舒服啲」