行山遇到三條女（少甜）: 重燃篇3

個幾星期之後，教授就聯絡左我叫我去再見佢，當時真係好開心同埋好驚喜，不過封信又出奇地無話恭喜你成功入選咁樣，所以都驚佢叫你過去係話，你失敗左啦，下次再試過啦咁樣。

我就膽戰心驚咁去到教授間房到「你好教授」

教授:「你好呀，請坐呀」我就坐左落佢對面既梳化到。

教授其後又問左我幾條問題係關於學術交流，我都正正常常咁答返下佢，話咩識下朋友，交流下學習心得咁。

教授好似好滿意咁點一點頭「恭喜你，你已經成功入選澳洲交流計劃啦」



我有啲驚訝，所以我就半信半疑咁問佢「教授，你講真架」

教授微微笑一笑講「梗係真架啦，定係你唔想要依個機會」

我:「梗係唔係啦，但係真係嚇親我呀，可唔可以問下點解揀我呀」

教授:「成個計劃都係我主導既，要揀咩人都係我決定既，上次你講完之後，我又諗返起我細個既愛既嗰個男仔，真係好遺憾因為一啲原因未能終生。見到你就好似見到我自己細個既倒影，好想助你一把。」

教授就突然細細聲同我講「但係你又無講到主要去交流既目的，我同上面會報既時候，總唔可以話俾你去溝女架嘛，嘻嘻，所以就叫多次你黎囉」



我:「多謝教授」

教授:「唔使客氣啦，但係你返黎既時候記得私底下同我講返點喎」

我:「好呀，但係幾時出發同埋去幾耐架」

教授:「下個月左右，去一年」

我:「好啦，無咩事我走先啦，再見教授」



教授:「再見」

攞到個機會先諗到我去澳洲，成年喎芷晴點算呀，同埋就算係我又點樣同佢講呢，同佢講我去澳洲真係交流，唔通佢信咩。