行山遇到三條女（少甜）: 重燃篇4

我攞住張表格，真好忐忑，以為面試左就多個選擇，但係就變成好難抉擇，深切咁感受到當時Irene既感受，個心好難受。

無端端行行下，就有個人叫我「喂bb」

我就驚一驚醒，就見到芷晴竟然係到「你係度諗咩諗到咁入神呀」

我就抖擻精神回復返平靜同佢講「無野呀，係呢，點解你係度既」

芷晴就鼓起泡腮，扮嬲咁指住我個鼻講「我咪講左今日放假黎接你囉」



我:「哦，係喎，咁依架我地有咩做呀」

芷晴:「去老人院做義工點睇」

我:「依啲有得咁突然架咩」

芷晴:「我晨早準備好啦，知你返學忙咪幫你諗埋做咩囉，唔好講咁多啦，快啲行啦」之後就拖住我開始行。

一路行我就一路諗住講俾芷晴聽我澳洲個計劃，但我一望到芷晴咁開心，笑面迎人咁樣，就難以啟齒。



佢既手心係幾咁溫和，笑容係幾咁甜美，融化左幾多人，你叫我邊舍得傷害佢呀，雖然以前已經hurt左好多次，但係真係唔想再多次啦。

我:「咁開心既你今日」

芷晴:「諗到去幫啲公公婆婆有啲興奮，同埋好耐無同你拍拖咪開心囉，你唔開心咩」佢有啲玩味咁啤一啤我。

我:「開心啦梗係，就到未呀」

芷晴:「就黎到啦，你唔好嚇親啲公公婆婆喎」



我:「好」

無幾耐我地就到左老人院到，睇落去真係好大。「入去囉」

我點一點頭，就跟住佢行左入去。