行山遇到三條女（少甜）: 重燃篇5

一入到去，就有個職員行左過黎，同芷晴講「欸，芷晴你黎左既」我就有啲疑惑，點解啲人會識芷晴既。

芷晴：「係呀，今日得閑咪黎探下啲公公婆婆囉」

職員：「咁唔阻住你同你男朋友啦，拜拜」

芷晴：「拜拜」

我等個職員一走左之後，我就追問芷晴「係呢bb，點解你識依到啲人既」



芷晴：「哦，其實我本來細個一直都有黎既，啲公公婆婆一直都陪伴住我成長，我自己都好鐘意依度，直到去到姨媽疫情走左返大陸，我先無再黎。」

我：「哦，原來係咁」

我地就繼續行入去大禮堂到，就見到好多公公婆婆排排坐坐哂係到，差唔多個個都識得芷晴咁，個個都同芷晴打哂招呼咁，顯得我格外冷清，淨係係度望住佢哋係度寒暄。

不過望住芷晴同啲公公婆婆講得咁開心，笑容咁燦爛，我都幾愉快下。

我一直企係隔離，難免都會被人發現，最終啲公公婆婆都轉移左目光，注意到我既存在。「芷晴啊，依位係？」



我就爭住黎答「我係芷晴既男朋友」

點知有個伯伯即刻勁大聲咁「噓」左下，真係嚇死我，我個樣就變到好驚愕咁。

之後，個伯伯就講話「講笑，細佬唔會嬲呀可」佢自己講完自己又係度笑，過左陣所有人包括我都跟住笑埋一份，成個氣氛就變到好融洽。

我地就一齊係度傾下計，玩下遊戲，雖然有啲公公婆婆，行動又唔方便，手腳又唔靈活，但芷晴都好照顧佢地，當佢地係自己親人咁，仲要都係咁開心，甚至仲開心過平時。

識着個咁既女朋友，真係三生有幸，第時娶着做老婆，至少對你媽咪好先囉。