行山遇到三條女（少甜）: 重燃篇7

我都係一直諗緊去澳洲既事，諗左好多辦法，但係感覺都係行唔通，最終送埋芷晴返屋企，都係無講到出口。

最後就搞到好似Irene咁粉飾太平咁生活落去，自從同芷晴去左老人院之後，芷晴因為忙住返工，所以我放學得閑就自己一個去老人院，探下公公婆婆，同埋同林伯傾下計。

直到三個星期之後，姐係離去澳洲仲有一個星期，我一路都仲係背後搞緊機票，簽證啲野，但係芷晴都係唔知。

今日就照舊放學，得閑就去左老人院探下林伯，林伯話見悶想出去行下，我就同院長申請左帶林伯出去行下，院長同意之後，我就一直帶住林伯行呀行。

林伯一路上就繼續同我講佢同個英國女仔平時既生活，一齊去玩水，行街食飯咁，又講佢幾咁學識淵博，又形容佢到出水芙蓉咁，聽到我都狂咁幻想。



林伯都叫健步如飛，竟然一直行到城大到，我就同林伯講「林伯依度我間學校呀，我帶你行下啦。」

林伯：「好呀」

我就一路行一路同林伯介紹身邊既事物，無幾耐in我個教授就行左過黎「你好呀教授」

但係教授就無理到我，反而同林伯對視，我就不明所以咁望住佢地。但係又好意思插話。佢哋一路望，隻眼就一路變到水汪汪咁，好似想喊咁。

又過左陣，佢哋就衝過去攬埋一齊，一齊開口叫「Lampard」「Rita」