行山遇到三條女（少甜）: 重燃篇8

我個人就成個呆左咁企左係度，究竟發生咩事，我錯過左啲咩呀。（英轉中）

林伯：「真係你呀」

教授：「係呀，真係我呀」

佢哋已經淚流滿臉，講野都帶住重重既鼻音同抽泣聲。我就戇鳩鳩咁問佢地「其實發生咩事呢」

佢哋繼續都係無理到我，林伯就開始問教授「當年其實你去左邊呀？」



教授：「我都想問你呀，明明我貼左張紙係原本既屋企到話俾你知我搬左屋，你無睇到咩。」

林伯：「邊到有呀，我當年睇得好清楚無任何野我先走。」

教授：「應該被風吹走左，真係一個美麗既誤會，我當時仲以為你無再搵我，真係好嬲架。」

林伯：「如果當年張紙無吹走到，或者你肯每日去碼頭睇一睇，結局或者就會唔一樣啦。」林伯即刻有啲傷心難過。

聽佢地講完，我終於知道左教授竟然係林伯所講既英國女朋友，而林伯就係教授既遺憾初戀。依個世界真係巧合，成個地球咁大都遇得返，不過真係這麼近那麼遠，隔左兩三個街口，再次相見卻係三十年後，都係幾可惜。



教授聽到自己有咁大責任都有啲唔好意思。

林伯見勢就轉移下話題講「係呢，你...結左婚未呀」

教授就竟然話「唔好意思呀，我結左婚啦」我同林伯都同時面露難色，不禁有傷心之情，一段美好既愛情去到最後都無得開花結果。「哦無野啦，我都係問下姐。」

之後，教授就攞左隻戒指出黎，諗住再中傷林伯一次，真係見到都心噏。

林伯就一直望住隻戒指，眼甘甘咁「姐係」



教授就咁輕輕一笑「我一直都等緊你呀」