行山遇到三條女（少甜）: 重燃篇9

我就有啲不明所以喇，同時林伯又攞左隻戒指出黎，我見到兩隻戒指一模一樣，我就明白左咩事啦。「我都係呀」

佢哋就互相相擁，有情人終成眷屬，望住佢地我都有少少感動。

佢哋就交換左聯絡方式，大家都再次帶返起戒指，約埋聽日見面時間，真係好幸福呀，令我都不禁幻想到時係澳洲同Irene見面，佢會唔會仲帶住我送俾佢既手鈪。

我就送林伯返去，而教授就因為有野做無一齊到。一路行林伯就一直瞇瞇嘴笑，笑到合唔到口咁。

林伯：「依啲野真係緣份，咁樣都撞得返都有既，其實都要多謝你添呀，你唔帶我入去，我地都無可能見得返。」



我：「唔使咁講，我見到你地可以一齊返，我都好開心呀。」

林伯：「我自己見得返，當時真係勁驚訝，差啲心臟病發啦真係，嗰種咁多年無見，竟然見返，大家仲要仲係相愛，等緊對方種感覺真係難以言喻呀。」

係林伯身上真係見到我未來既影子，究竟我要等時機到，緣份到先再見，或者可能一世都無得見，定我自己把握機會，自己去尋覓呢。

林伯：「遺憾依架野，真係會令到你抱怨終生，死都死得唔眼閉，一世都搵唔返佢我真係死唔安樂，就算萬一佢結左婚都叫完左心願呀。」遺憾的確唔好受。

我送完林伯返屋企之後，就自己一個行返屋企，究竟點同芷晴講呢。



其實自己都明白當時Irene同自己斷絕聯絡既心情，自己究竟係咪要重蹈覆轍呢。去澳洲既然係必然嘅事，不如都係早啲同芷晴講。

同埋其實芷晴係度無人又無物，我同佢一齊去澳洲又可唔可行呢。

無幾耐又咁啱去到芷晴屋企樓下。