《我喺連「興趣」都冇嘅極權國家生活咗廿年，直到遇見妳》: 第一百章

「咁嗰日你行開左之後，周玲就走左埋黎我度，一野扯住我啲頭髮。咁我當然還手啦，然後我哋互相都冇放手嘅情況下，佢就開始係我耳邊挑釁我啦，不過我哋好似有共識咁，估到你會係出面偷聽，所以我哋都唔會叫出聲。根住，佢就推左我埋牆，就話唔明解會輸比我，搞到佢無得做局長夫人呢啲類似嘅說話。咁我就見佢突然冇發力，一野轉變左形勢，推番佢落牆角，其實呢啲推黎推去同扯頭髮係一開頭仲爭辯緊嘅期間一直都發生，我諗你都唔會想聽。」
「但係你出黎個陣又唔覺你係入面又扯頭髮又咩喎？」
「你射緊波個陣我同周玲上左去房整理自己儀容個陣你唔知啫。」
「周玲係唔可以離開會客室喎。」
「你唔講我唔講佢唔講，邊會有人知？」
「你嬴，咁你繼續講啦。」
「之後我就問佢知唔知咩係愛一個人嗰類說話，同佢講唔應該最呢個世界睇得咁功利，就算比佢做到局長夫人，但係佢唔鐘意嗰個人的話，只係好似那高咁，日日分開食飯，分開訓，做乜都係得自己一個，根住其實局長夫人日日都冇野做喎，其實好孤獨。個陣佢就鬆左手，冇再扯我頭髮，開始平心靜氣。」