求神畀我出一次Pool，點知畀埋個偶像男朋友我: 102

傍晚，我做完簡報離開學校。

由從來都是自己一人歸家，到有人和我說笑打鬧、再經歷兩星期的「甜蜜」，最後回歸起點——獨自回家。

其實這樣也好，至少我不用絞盡腦汁想話題，自己想去哪就去哪，想吃什麼就吃什麼。

公主？不，我要當自己的公主。

這時，我突然感覺後面有點不對勁。



我轉頭看看，那不過是下班後的一片人山人海。

「屌你老母，望望望，阻撚住個地球轉！」

不過是回頭半秒，我已經被一個大叔問候娘親。

我有一刻想學陳浩賢一樣回敬一句，結果卻只是怯懦得道歉後便急步離開。

來到盡是LED燈牌的大街，刺眼的光芒更映出我的落魄。



漸漸我低著頭走路，漸漸忘了回家的道路，心裡只是覺得有路就走，走著就有路。

直到走到一個只有微黃路燈且不見人影的地方，我又覺得後面有些古怪。

這次回頭卻沒有人，我開始感到不安。

我想打給陳浩賢求救，才發現自己原來從昨晚開始沒有開過手機。

「喂。」我邊急步走邊聊電話。



「搵咗你好耐啵，差啲以為你失蹤。」

大概找我也沒什麼好事發生吧。

「唔記得開機啫，反正平時無人搵。咁而家你做緊咩啊？」我保持冷靜，打開了話題。

「無啊，食緊壽司咋～」

「哦，咁可唔可以陪我一陣？」我有點彆扭說。

「可以啊，但你好似有啲唔對路。」

「後面好似有人跟著我，我有啲驚。」我輕聲說。

「哦，唔駛驚，我喺度。而家幫你搵Richard，你send位置俾我。」



「咁你唔準收線啵！」我撒嬌道。

「得啦！」

過了一會，他說：「好，我whatsapp咗佢喇，你而家入去隔離間seven先，嗰度有閉路電視點都好啲。Richard由你屋企行緊過嚟你度。」

他還是一樣貫徹始終保護我。

「唉，你都走入我度好耐啦。」我不自覺說。

「咩話？」是那邊訊號差嗎？

「無啊，我話好羨慕東京人。」我換個方式說。



「有乜好羨慕？我見佢哋好似好拘謹啵。」原來他眼中的東京女孩是拘謹的。

「唔知啊，我呢刻就係好想做東京人咋！！！」我有點兒激動說。

難道要我說出口，想要取代他心目中的東京女孩嗎？

「做囉傻妹！一直都同你講想做就做！」

這又不是染髮，有這麼容易嗎？

「唔得㗎，做咗都無用，我係想好似佢咁。」就算我是東京人，也不過是陳浩賢看不對眼的東京女孩吧，哈。

這時，我瞄到Richard前來我這裡。

「唉，Richard到咗喇，唔講。」我灰心說。



「好喇，平安咪好，你返到屋企覆我whatsapp喇。」

「嗯。」