今日我開始左對公司啲同事進行復仇大計: 第四十一節
今日未返到公司已經聽到Judy打電話黎求救，佢打黎劈頭第一句就喊晒口咁話：「我唔玩啦，我咩都唔要啦，我就黎痴線啦。」由於大家都知Judy其實都算係一個比較冷靜嘅人，可以令到佢喊晒口咁，一定係發生左啲咩事嚇到佢咁，我即時好緊張咁問佢：「喂你冷靜啲先啦，都幾十歲人，有咩風浪未見過姐，你慢慢話畀我知咩事啦。」「我頭先打算返工出門口果陣，見到門口有個紙箱上面寫明係畀我，咁我以為係我啲追求姐送黎……點知打開入面，係一隻死左嘅田雞，上面仲有個公仔嘅頭喺度……果隻公仔同我上次整爛隻公仔一模一樣，仲唔只……」由於佢一路講就一路喊，我聽得唔多清楚，我忍唔住喝佢叫佢唔好喊住講得清楚啲。喺畀我喝左一聲之後，佢就開始平伏返少少，佢繼續講話：「個信封入面有啲相……啲相key左我喺啲死人隔離…..」「你又知佢地已經死左？」「因為啲相佢地差唔多得番棚骨……」「咁可能佢地呢排減緊肥，瘦到無晒肉姐。」聽完我講呢句之後，佢又開始喊，我問佢要唔要幫手，佢就話要請日假返屋企平伏下心情。我見既然都幫唔到咩手，我唯有都係返左公司睇下咩環境先再算…..
之後我一路返公司沿途都處於高度戒備，我早幾日都收到過警告信，而且之前又畀人淋過尿，講真我都怕果個人喺對付完Judy之後就會黎對付我。不過幸運地喺對付我之前，好似唔係太關事嘅文員輝竟然比我更早遭殃。喺我去到公司樓下果陣，我聽到幾聲微弱嘅呻吟聲喺後巷度傳黎，我一望入去果陣，我見到下半身赤裸嘅阿輝訓左喺個垃圾桶隔離，佢身旁仲有支掃把柄喺度。我見狀第一時間唔係行埋去睇下佢有無事，我先留意下周圍個兇手會唔會仲潛伏喺度，當見到真係無人之後，我先行埋去阿輝度，拎部電話出黎幫佢影返幾幅靚相先。阿輝都唔知係好彩定唔好彩，日光日白都無其他人見到佢咁嘅慘狀，係畀我咁啱第一個發現到。
咁為免其他人錯過左呢個咁有趣嘅景象，我當然有責任拍下照片留個紀念咁啦，雖然我聽唔清楚，不過我相信訓喺地上嘅阿輝所發出嘅微弱聲線應該係叫我唔好影，不過不拍白不拍，我喺幫佢影左十數幅沙龍照之後先行埋去問佢：「阿輝，我咪叫左你唔好成日自己偷偷地返公司打飛機架囉，你今次仲玩到出後巷咁曳。」我雖然看似講得輕鬆，不過其實我喺行埋去果陣一直都有留意住四周，以防個兇手喺邊度撲出黎。阿輝好似好痛講唔到嘢咁，佢只係指住後樓梯方向，我向住後樓梯方向望見到佢條褲，我諗阿輝應該係想我幫佢拎返條褲，不過我又怕兇手就係埋伏左喺後樓梯度，我緊係死都唔行埋去啦，所以我同阿輝講：「阿輝，你襯而家無人喺度，快啲同我講發生左咩事先啦。」呢個時候阿輝氣若遊絲咁好似講左啲嘢，我哄左隻耳仔埋去度聽，聽左一陣我先知佢係話：「大明返黎報仇。」呢六隻字，至於當我問佢發生左咩事果陣，佢即刻喊左出黎，佢指一指支掃把柄，又指一指自己個屎忽，見狀我問佢：「你係咪想同我講你坐爛左支掃把，大明要你賠錢呀？」佢擰擰頭，我繼續問：「哦我知啦，大明拎支掃把黎打你，點知畀你用個屎忽檔住左佢啲招式？」佢繼續擰擰頭，我再問：「你唔好同我講大明罰你要除褲掃地呀？」佢終於忍唔住，用盡全身氣力咁講：「我頭先畀人拎掃把隊屎眼呀仆街，我而家好痛呀，仲好似流緊血。」我聽到之後即刻彈開，之後話：「乜你地情到濃時搵啲咁嘅嘢玩呀，不過第一次流血好正常架，我中學果陣有啲女仔第一次流血都流得好勁，不過你可以學佢地咁同男朋友講係因為踩單車無左個處呀。」阿輝聽完之後都無心機答我，佢只係一路喊，一路嘗試起身起埋去後樓梯拎返條褲。我喺呢個時候其實好驚，就連對付阿輝大明都可以咁恨玩到掃把棍都出埋，佢同我咁深仇大恨，睇怕佢都會動用到狼牙棒啦…..
我等阿輝行埋去著返條褲之後，我打左返公司話阿輝整親左，我陪佢去睇醫生要遲啲先返。但由於阿輝唔想報警畀人知道佢遇到啲咁嘅事，我就陪佢去藥房求其買左啲止痛藥同藥膏頂住先。喺阿輝開始冷靜啲講到返嘢之後，我帶左佢去一間餐廳度諗住同佢坐低問返佢頭先詳情，但點知阿輝一坐低就痛到即時彈返起身，喺呢個情況之下，我唯有同佢去左間有企位嘅老麥度傾計。喺休息左陣之後，阿輝終於可以講到嘢，佢話：「咁你知我有鋪癮返公司喺同事啲位度…… 咩架啦，咁我今朝又一早返左公司度……咩……」「打飛機咪打飛機囉，你連菊花都獻左畀碌掃把棍啦，仲扮咩怕醜姐。」「咁我如常咩緊果陣，我當時條褲都除左一半，突然之間有個男人從後捉住我將我壓低左喺地下，我聽到把聲係大明黎。佢話咩…..咩一定係我主使你去搞佢，佢要我血債血償…..我好大力咁反抗佢，不過都係掙扎唔到，喺混亂之下，我畀佢拎支棍插左幾嘢屎眼，但由於我不斷反抗，好彩都係擦捐左個屎忽，唔係插得太深。但喺混亂中我畀佢打左一身，佢之後仲要拉埋我落後巷話要我示眾喎，佢一路喺後樓梯拉我落黎果陣，一路講咩佢無得扑嘢，佢要我以後都無得扑嘢咁喎…..老老實實，你對佢做過咩黎呀？」我聽到之後肯定左大明以為阿輝係幕後主腦，因為佢地兩個之後最多牙齒印，佢應該仲未知阿油先係真兇。我望住眼前嘅阿輝，雖然有幾分同情，不過我更加驚大明唔知幾時會點樣對付我。不過我都係要做下樣安慰返阿輝：「唔緊要啦，咩都有第一次呀嘛，下次你再遇到咁嘅情況試下enjoy下，唔好反抗，可能仲唔洗畀人打一身呢。」而由於阿輝一開始返公司打飛機呢件事唔可以畀人知，所以阿輝都唔敢報警。無報到警就唯有我自己小心啲啦，呢個時候我不禁喺度諗，搞Judy果個會唔會又係大明，如果唔係的話，呢兩件事喺幾乎同時發生又係唔係巧合呢？