我娶左個台妹做我老婆啊！: Chapter 21

到左第二日，呢一日亦都係嘉欣同我一齊返工既日子。

由於我地今日係返0800，為免陣間行青馬嗰陣塞車，所以我都習慣會早少少起身，就算早返去都起碼可以坐低飲Cafe。但今日係要帶嘉欣去機管局報到，要早D出門口先得。

一起身，我就走出去刷牙洗臉，行到客廳已經見到嘉欣整緊早餐，睇個樣唔係我地平時食開既三文治嗰類，我估佢應該係整佢拿手既台式早餐。唔知食落去係咩口味呢？

見到嘉欣充滿著可愛既笑容，著住圍裙整早餐，搞到我心動到呢⋯⋯真係想行埋去Kiss佢一下，如果佢係我老婆，你話幾好呢？

「早晨啊，欣！」我對住嘉欣講。



「早晨啊！你坐一陣啦！好快有得食啦！」嘉欣話。

過左大約十分鐘左右，嘉欣就整好左早餐，係蛋餅同一杯熱既黑咖啡，而嘉欣就自己整左杯牛奶係到飲，話時話佢似牛奶個樣真係好可愛，好似不斷係到誘惑緊我，唔知個傻妹係咪飲奶飲得多先至身材咁好呢？

「有野食啦！快啲試下小女子既手勢啦！」嘉欣含情脈脈咁對住我講。

「我地唔客氣啦！」我同嘉欣異口同聲地講。

嗚啊！好好食啊，估唔到嘉欣個傻妹真係有返啲料到，我估佢係台灣應該係成日煮飯。點解可以咁好食既？



「好好食啊！我鐘意食呢個蛋餅。」我話。

「真架，如果你鐘意既話，我可以每日都整比你食架！」嘉欣笑得好Sweet。

「咁又唔好，有時我都要整比你食架。」我話。

「好啊！！下次期待你整比我既早餐！」嘉欣話。

「但⋯⋯你又知我鐘意飲黑Cafe既？」我問。



「伯母同我講架，佢話你成日捱夜冇精神，咪叫我整比你飲囉，我係咪好了解你呢？」嘉欣微笑。

「係啊！最了解我就係你啦！」我話。

「食野！」嘉欣就拎左個蛋餅塞落我個口到。

我地邊食邊講，好快就食完，然後我就走去洗埋碗就換衫。而我套制服就放係Office既Locker同定期清洗，所以基本上我都係著便服返去就算。但唔知道嘉欣會係咩部門呢？

當我諗緊著咩衫嗰陣，我醒起我上司Jeff尋晚Wtsapp我，叫我今日著便服、但要著恤衫、西褲同皮鞋，呢兩日豁免著制服。於是我就將尋晚熨好既長袖白恤衫，黑西褲拎出黎，再著埋對黑皮鞋，戴埋Apple Watch就行得。我覺得奇怪既就係點解要我著自己衫呢？明明要著制服On Duty架嘛！

見到嘉欣化左少少淡妝，著返第一日見佢既行政套裝出黎，白恤衫加黑色半截裙同一對高踭鞋，值得一提既係，佢件恤衫係好窄既款式，所以顯得佢對F級巨乳、23水蛇腰、白滑既42吋長腿更加明顯。另外，佢都戴左同我一樣既Apple Watch手錶，估唔到個傻妹都鐘意呢類野。


「喂，咁著得唔得啊？」嘉欣問。



「OK啊，咁著就得架啦！你套制服呢？」我問嘉欣。

「佢話未有住，叫我著住自己衫先，請問你行得未呢？」嘉欣似有啲不耐煩。

「行啦！」

我地就出左門口，行落停車場到攞架FD2。