誰才是我？誰才是你愛的我？: CH.10 - 為何會是你
晚上 ...
「鈴 ...」電話響起。
梁二虎拿起電話。
「未知？」他按下接聽鍵：「喂？」
「係我。」
... ... ...
... ...
...
「鈴 ...」電話又響起。
「喂？阿虎？」周若雪接聽。
「係，我有啲野想同你講。」
「做咩？」
「阿風 ... 岩岩打過比我 ...」
「下？佢點呀？幾日唔見人佢死左去邊呀？你知唔知佢而家係邊？」
「佢只係同我講，佢撞到個頭入左醫院，不過已經出左院。」
「出左院又唔返黎？」
「我都唔知，佢只係同我講，叫你唔好搵佢，佢過多排就會返黎，如果你同賜叔搵佢佢就以後都唔返。」
「佢撞到個頭啫，撞到傻左呀？佢知唔知我地幾擔心？」
「同埋 ...」
「同埋咩？」
「佢叫你 ... 去房署將間屋除左佢個名 ...」
「下？點解咁做？」
「我真係唔知呀，佢講完就收左線，電話又冇來電顯示，我都好擔心。」
「個衰仔想點 ...」
「係呀，我發覺一樣好奇怪嘅野。」
「咩呀？」
「佢講野冇漏口 ...」
「你好。」
「唔該，我想租房。」
「先生你係遊客定係公幹？」
「唔係，我係香港人。」我拿出身份證：「我要開一間普通房，包兩餐，暫時租住一個月先。」
「明白，請等等。」
三分鐘後。
「呢張係房卡，仲有房number。」
「我想問，有冇電腦借？」
「有，你需要平版定係notebook？」
「Notebook，有wi-fi？上到網？」
「有，放心，你可以上房等一陣，我地會有職員送上黎。」
「好，唔該晒。」
朗豪酒店的服務果然一流。
房間十分別緻，還有落地大玻璃，看盡整個旺角。
鬧市中的一點清靜，非常適合我。
適合我好好盤算往後的行動。
我一向對老虎充滿信任，由他向姐開口，定沒問題。
家中的問題可輕鬆由他替我解決。
而公司，我已致電萍姐跟她交代來龍去脈，她更著我完全康復再回來也不遲。
正合我意。
我要好好把握這段時間好好整頓自己。
把自己 ... 改造。
為何要把自己改造？
因為我要令他們刮目相看。
我不是你們口中的垃圾。
劉耀洛，你打我親愛的姐，我要你比死更痛苦。
李洛文，你這只會泡妞，不服正業的掛牌會計師，我就讓你好好的在人面前糗一次。
唐夢心，你笑我是宅男？放心，很快我不會是宅男了，你是我對付李洛文的頭號籌碼，我要來個一石二鳥。
你們三個，一定後悔。
「周生？」一位服務員在門外叫道。
我打開門，他提著手提電腦。
「你要嘅notebook。」
「唔該你，我想問，聽朝早餐可唔可以直接送上黎？」
「可以。」
「咁麻煩晒。」我拿出一張一百元給他當小費。
「多謝周生。」他快樂地離開。
如果世事可以這麼簡單快樂，多麼好 ...
可惜，沒在我身上出現。
我打開電腦，連接好wi-fi。
下一步，要開始了。
我需要一個「老師」，替我改造自己。
一個 ...
了解兩性心理的「老師」。
就是 ...
援交妹。
當你看過合扶道‧二媽的《援交妹自白》，你就知道，援交妹是最能理解男性心理的其中一類人。
而且，用錢就能請過來，又能守秘密，我幫助他們的經濟，她又幫助我完成計劃，互惠互利，絕對是適合的人選。
阿張的錢幫了我一大把。
我打開電腦，接好wi-fi，進入CC網，找尋適合的人選。
我需要一個聰明又打扮時髦的女生，把我改造成女人心中的「筍盤」。
劉耀洛，李洛文，你們看到往後的我，將會截然不同。
第三頁的一條標題吸引了我的注意 ...
中日俄混血兒 ... 大學生 ...
男性一向對混血兒情有獨鍾，應有不少這那兩個的賤種跟她打交道 ...
我進入頁面 ...
上年sem完左，考唔到獎學金，學費好大壓力，所以出黎搵外快，希望有善長幫幫手 ...
出街@500 kiss/hug +200
出席特別場合@800 (會自行打扮 唔會令你地失禮)
sex 只做BJ @1000
ML同其他唔做
有意Whatsapp trade me 再比相你地過目睇下岩唔岩
好像不錯。
我拿出電話，給她發一條Whatsapp：
「Wanna trade，Please reply。」
「Hello，trade for what？」
「你識中文？」
「識。」
「你差幾多學費？」
「About 40k。」
「ok，咁你同我睇一本書，睇完，話我知入面嘅野係真定假，我直接比40k你。」
我把二媽的《援交妹自白》封面相片傳了給她。
「你講真？」
「yes，只係第一部分trading，你睇完本書，再考慮接唔接第二部分，我知你唔接sex，第二部分亦同sex無關，你有三日時間考慮。」
「ok ...」
完成，現在只需等待她的回覆。
希望此舉能獲得她的信任。
好，睡一覺好的。
「叮 ...」門鈴響起。
「早晨周生，room service。」我打開門，服務員推著手推車，把早餐送來。
「唔該，lunch 一樣照送上黎，我今日唔會出去，dinner 係咪有buffet？」
「係呀周生。」
「好，唔該晒。」我給了他小費。
「多謝，enjoy your breakfast。」他順手關門離開。
嗯 ... 大酒店的早餐確實美味。
以前沒錢，連想也不敢想，現在，要好好享受一番。
整個早上時份，我再叫了一瓶紅酒，一邊欣賞風景，一邊品嘗。
我開始感受到，有錢人能過得多麼寫意。
「嘟 ...」Whatsapp響起。
「Hello，我已經睇晒本書，大部份講嘅野都係真，但40k始終好大筆錢，你信得過我？我只係一個cc ...」
「係，你可以黎拎錢啦，我係朗豪酒店，直接上黎22樓啦。」
「酒店唔係咁好。」
「我而家住係度，梗係你黎搵我啦！」
「ok，我而家返緊學，放學過黎，需要打扮嗎？」
「唔需要。」
「介唔介意我問一個問題？」
「問。」
「點解你唔問我拎相？你唔怕我個樣同身材唔符合你嘅要求？」
「冇需要咁做，有野黎到先講。」
三點 ...
「coming now，15 mins later will arrive。」Whatsapp傳來信息。
「ok，see you later。」
現在只需要等於她的出現 ...
「Arrive ...」
「room 2209。」
「ok ...」
來了...
「叮 ...」門鈴的聲音。
她會是個怎樣的人？
我打開門 ...
「Hello ... 下？點 ... 點解會係你？」
「點解 ... 你 ...」
我們對望整整一分鐘，互相再說不出話來。
怎麼會是她？
中日俄混血兒援交妹 ...
竟是 ...
謝希媛 ...