打機射喪屍係會報應㗎…(改咗名): 呃…我淪落到變成奴隸……

我哋繼續行入去，到末端簡直嚇到下巴都跌落嚟！
眼前嘅景像已經唔係昏暗嘅泥土同樹根，而係繁榮嘅都市。有大大小小嘅房屋，不同款式嘅商店地攤以及密集嘅人(蟻？)群。喺人群入面我甚至見到一啲上半身人下半身蟬幼蟲嘅怪物、狗一樣大嘅有翼螻蛄同埋灰褐色嘅巨蟲。神奇嘅係，街上四圍都有擺梳化以及其他傢私。
螞蟻人帶我哋去到一棟三層樓嘅建築，上面大大隻字寫住「奴隸檢查處」。
「麥先生，基於安全理由。我哋有必要對你嘅奴隸進行一次詳細檢查，以防止佢帶有傳染病或者其他嘢。請問你介唔介意？」義蠬䮓嘅用詞十分有禮，不過語氣好強硬。
「呃………唔介意。」啊康遲疑咗一陣，然後答應。
「好，十分感謝你嘅配合。我會帶佢上去一陣，我嘅部下會帶你去休息一下。」義蠬䮓話。
義蠬䮓繩扯住我上樓，仲擺出一幅厭惡嘅表情，就好似要執狗屎一樣。而佢嘅部下則帶住啊康去出咗去。
當義蠬䮓打開門，有一個螞蟻人同一個蠕蟲人正幫另外五個人鬆綁。嗰個蠕蟲人上半身同人類差唔多，只不過面上有6隻冇瞳孔嘅眼以及下巴變咗做昆蟲口器。下半身好似半蛇人咁，只不過換成蠕蟲嘅身體。身上同螞蟻人一樣著住一件藍色膠袋製嘅lab coat。
而嗰五個人年紀同我差唔多，大約13~16歲。
義蠬䮓對蠕蟲人耳語幾句，蠕蟲人就答返佢:「OK，好嘅。」




「除曬啲衫！」另一個螞蟻人對我哋講。
「吓？！」
「玩呀？」
「點可以㗎！」
「打死都唔除呀！」
「咁就去死啦！」義蠬䮓突然抽出一把長刀。
「咁……可唔可以除剩條底呀？」
「你試吓。」義蠬䮓用刀鋒貼實佢條頸。
「好好好！即刻除！」
我哋被逼將衣物除曬，全身一絲不掛。嗰兩個蟲人就不斷喺度做檢查，記錄低全身上下任何一個部位，包括…生殖器官。簡直就係毫無尊嚴。




經過一大堆極為羞恥嘅檢查後，我彎低腰想執返啲衫嘅時候，螞蟻人一腳踩落我隻手到！
「喂！仲想點呀你哋！」我問返佢。
「已經冇必要喇。」螞蟻人答返我。
「咁即係點呀！」
「交返你俾你嘅主人先算。」
「咁…我哋呢？」有個人問。
「你哋？哼，賣到個好價錢先諗呢啲嘢啦！」
「吓！」
唉！咁即係要我赤裸咁行出去啦！