他與她的故事: 空間
在267.3米的課室空間中,二十三張枱二十四張凳,一行四張枱一共六行,多出一張凳可放於任意位置,最左邊係一張一米高的書櫃,上面放滿字典同教學用具,有時候會被學生用黎收埋課本,最右邊的一行只有三張枱三張凳,因為個邊係有教室嘅前門同後門,所以只可以放三張枱凳,而阿希就坐左係第三張凳上面,佢望住走廊外的方向,不停回想蕉蕉原來就係佢隔離班,同埋個一句說話。前座的男生轉過身望見阿希一面陶醉,阿希雙手抱住水樽,頂住下巴,於是使出揸波龍爪手 。
「含情脈脈咁望緊啲咩啊,係咪希靚女啫?吓~」
「哎迪迪~冇亂揸啦,冇靚女啊,做咩啊~」
「哎啊,想叫希希幫我睇下呢條數學題點做啫。」
「我睇睇,哦~呢條啊,我食飯個陣已經做完啦,唔包岩架,抄唔抄任你。」
「希希出品,必屬佳品啦!」
「抄你嘅功課啦」正當迪迪抄到興起個陣,一個身影走到迪迪身後,阿希拍一拍迪迪個膊頭,然後收起佢同自己本作業簿。
「上我堂抄功課!?作死你啊」
「哎啊~黃Miss,我邊係抄啫,我呢啲叫參考」
「諸多事實,我睇你真係膽生毛」
「哎哎哎,下次唔夠啦,唔該你啦,Miss~」
「唔好俾我再見到啊!」
「係係係,一定唔會」
「坐番低;阿希,你篇獅子山下我幫你投左稿,如果佢地Get到你係篇文度寫嘅人情味,應該可以上報紙。」
「好,唔該Miss。」女老師走番埋去演講枱,迪迪即刻問阿希 。
「叻仔啦,做作家啦~」
「哎~志不在此,平平安安就好。」
「又黎啦,又黎啦,扮晒野。」
「邊有啊~」坐係阿希前面的迪迪係一個體育型男,小麥色的膚色配上一頭微卷的髪型,一股青春氣息係佢身上散發出黎,明明兩人係唔同維度的人,但係遍遍佢地居然成為好朋友,可能係因為佢地都係對方身上搵到自己想擁有嘅野,阿希想擁有一副健康的身體,迪迪想擁有一個聰明的頭腦,可能就因為咁樣,係某一個時間,某一個地點,佢地兩個因為某樣事情而互相認識。
「頭先諗緊咩啫?女啊?」
「冇啊冇啊,冇女諗啊,有女都唔會鐘意我啦。」
「點會呢,希希一個大暖男,係佢地未察覺到你嘅溫柔啫。」
「多謝你嘅發言,幾時介紹一段良緣俾我呢?」
「幫跟你,幫緊你,我搞掂埋啲功課先啊~」兩人的氣氛同成個教室格格不入,並唔係因為兩個人都標奇立異,標奇立異的只帶有阿希;阿希因為身體原因而被其他人選擇遠離佢,唔係佢想,而係呢個世界係佢黎到個一刻,就已經送左一堆爛野係佢身上,令佢經常無地自容,所以為左守護自己嘅一亩三分地,佢可以做嘅只有拒絕不安定因素黎到身邊,但由於經常拒絕事物,所以佢另一方面十分渴求得到接受,多麼貪婪的一個人。迪迪將功課放係大臀度抄,而阿希佢繼續放空自己嘅思緒,因為咁樣佢先可以遠離身邊不明的視線,不過視線其實存在與否都成問題,畢竟佢身體過於敏感可能會令佢導致佢產生遐想,當佢準備神遊太虛個陣,佢感受到一股視線從佢右後方出現,佢轉過頭去,望見佢班主任正企係外面望緊班房的情況,阿希受驚過度而大叫一聲,成班人都笑左出聲,班主任都唔例外,不過阿希更關注的係佢部手機有冇露出黎,雖然佢冇打開手機,但中學生最關注的莫過於手機的安全,阿希望一望周圍嘅人,手伸到櫃桶摸到手機位置的安全後,阿希就成個人放鬆番。
「好啦~安靜,就快暑假啦,下次見你地就升高二啦!」
「我地會搵Miss你食飯架!」
「搵到先算啦,見到我就問你地暑期作業搞掂未。」
「唔好咁~」「俾我地輕鬆下啦」「+1」「Come On」「睇你地課堂表現如何啦」「OK各位安靜」
全場安靜晒,得番Miss的教書聲同原子筆劃落書度的聲音。