[中學][純愛]讀男校嘅我，到底係咪真係咁難識女仔？: 回家

當我行到屋企樓下準備入𨋢嘅時候， 

「等埋！」 

一把清脆嘅聲音叫停我，我即刻撳實個開門掣。原來係佢， 

「唔該晒。」 

「唔洗，大家一場鄰居,。」 



為咗緩解下呢個咁尷尬嘅氣氛，我決定.... 

「話時話，你係咪有個細佬㗎？」

「Er...er...係呀，做咩咁問？」

「冇，不過佢同我同班啫。」 

「係呀？咁你要好好幫我睇住佢啦，哈哈。」



「係喎，你叫咩名呀？」 

「哦，我叫李穎怡，你可以叫我Isabella...」

 佢講講吓嘢，話咁快就到咗我哋嗰層，我哋一路行一路講，

「Isabella幾好聽喎，我係賢仔呀，俾啲街坊叫咗十幾年嚕。」

「你好呀賢仔，哈哈，幾得意喎個名。」



講下笑下就到咗我哋各自嘅屋企門口， 

「好啦，我入屋先啦，得閒再傾啦，bye。」 

「好呀，得閒再傾。」 

我眼白白望住佢入屋，我入屋嘅時候一直回想啱啱嘅對話，我發現我隻小鹿已經企咗喺條起跑線上面。作為小毒毒嘅我，返到屋企第一件事緊係打開部電腦，

（Argon18 跳進了伺服器） 

你班HiHi都同佢幾熟喎。我一入Call呀謙就衝咗入嚟，連埋Argon都入埋嚟， 

「原來Argon都有打R6喎！」

「睇嚟你哋幾熟喎。」



「係呀，原來佢有個家姐㗎喎，而且同你同年添。」 

「係咩？不過我今日返屋企都遇到佢。」

 「靚唔靚㗎？有冇相呀？」 

「係喎，Argon你有冇你家姐IG呀？」

 喺一番嘅糾纏之下，我成功攞到Isabella嘅IG啦！我緊係即刻睇下佢有啲咩Post啦，佢啲Post大部分都係啲文青相再加多句有詩意嘅英文句子，啲背影真係可以殺死人。

「喂！講嘢呀，睇咩睇到咁入神呀？女呀？」

「哈哈，你好幽默啊！」



我帶住少少煩燥嘅語氣去答佢

「咁你又唔好咁惡住，開波啦！全世界等緊你啊，Efficiency呀！」

「得啦，唔好再催啦！」

我哋打咗陣機，佢哋就話要唞唞，我咁好人實俾㗎，我就襯呢個時間碌吓IG，咁啱睇到Isabella出咗新Post，

(New Place, New Start)


一張佢著住校服嘅背影，呢幅相間直完美吸引住我，我除低咗個耳機，膽粗粗主動DM佢，

「Hi，我係賢仔呀！」



「Hi賢仔，你點搵到我IG㗎？」

「無呀，你細佬比我囉。我啱啱同佢打緊機丫嘛」

「果個衰仔真係呀。唔怪得佢係咁講嘢同嗌啦。」

「佢係幾激動嘅，哈哈。你對呢區有冇咩問題呀？不如我搵日帶你行下呢區呀。」

「好呀，不如咁個禮拜六呀？」

「好呀好呀，就十二點你屋企門口等呀」

「好提議呀，個日見啦！」

我帶住興奮嘅心情帶返個耳機，



「喂？」

「返嚟啦，你條友仔，重色輕友！」

阿謙略嫌不滿，

「而家咪返咗嚟囉，咁唔Gur，Quit咗佢囉！」

緊住我哋就打到十點就散咗Band嚕，而且聽日要返學。我喺瞓覺前再諗返今日啲嘢，真係有少少開心，過同時苦惱緊嗰日應該點著。