我倆的緣份，於半世紀前已經開始: 陳年故事

「小妹妹，妳話妳條鍊係屬於妳嘅?」
 
我點一點頭「嗯，媽咪俾我架」
 
「可唔可以俾我睇清楚?」
 
「好呀!」
 
我除左條鍊俾客人睇，佢好仔細睇清楚之後俾返條鍊我
 


「妳呢條鍊我認得」
 
「係叔叔你整嘅?!」
 
「係呀….好多年前有個後生仔….大約17...18歲左右啦，走去我鋪頭到話想整條鍊…..」
 
=========================================================================/
 
「老闆….我…想訂條鍊…..」
 


「我唔係老闆，我係佢個仔，想訂咩鍊?」
 
「呀….有冇d鍊係唔會變黑…」
 
「唔…….可以用18k金嘅，不過好貴喎」
 
「我….儲左1000蚊……夠唔夠?」
 
「送俾女仔架?」
 


「係…係呀…」
 
「仲想加d咩?」
 
「請問你有冇….鑽石?」
 
「細路你咁鍾意果個女仔呀?我有d碎鑽可以平d俾你，咁啦，1000蚊幫你整兩條啦，我爸爸話d野放係到冇咩用，想點整?」
 
「呀…呀…」
 
「個吊咀可以換成個大心形啦，我幫你設計」
 
「唔該哂…」
 
「有冇個女仔張相?我睇睇幫你設計?」


 
「呀…有…」
 
====================================================================/
 
「叔叔，咁果個相中嘅女仔…係咪同我一樣扎孖辮嘅四眼妹，著住旗袍校服?」
 
「丫….小妹妹妳又知道喎，係呀，相中果個女仔好靚，睇真d妳好似佢」
 
「果個女仔….似唔似我電話呢位女士?」
 
我將婆婆張相遞俾叔叔睇
 
「呀….係佢啦…..我仲認得佢」
 


「佢係我婆婆，隔離果個係我媽咪」
 
「哈哈，如果俾我見返果個男仔唔知會點呢?」
 
「好難啦，海底撈針咩」
 
然後叔叔望一望門口，同時哥哥都入左黎，坐係我隔離
 
「搞咩阿妹妳拎條鍊出黎呀」
 
「OV同Silvia話想睇嘛….呀，呢位叔叔係當年整呢條鍊俾婆婆嘅師傅黎架」
 
師傅望實哥哥，個腦不停咁轉，彷彿好似諗到d野咁
 
「哥哥仔，你係咪姓程架?」


 
我同哥哥碌大隻眼望住師傅
 
「你點知架」
 
「當年…黎搵我整呢條鍊嘅男仔，都係姓程，呢個姓唔太多人用，所以我記得」
 
「唔?哥哥會唔會係…你爺爺?」
 
「下….我都未見過佢，佢係爸爸10歲果年過左身啦」
 
「咁呀….咁你屋企有冇一條18k金鑽石鍊?」
 
「鍊?有呀!係我身上」
 


「下!!!哥哥你有戴鍊架咩?」
 
「點會冇」
 
「以前同你沖涼唔見嘅?」
 
「爸爸都係我生日果陣先俾我」
 
「可唔可以拎出黎睇呀?」
 
「哦…好呀」
 
哥哥解開頸頭鈕同校太，係心口拎出左一條鍊，鍊上除左有個十字架吊住之外，仲有一個大少少嘅心形
 
師傅見到後，就對我地有d要求
 
「妳地將兩條鍊嘅鍊咀拎出黎，睇下係咪可以湊成一個大心形啦同埋一個梅比斯環」
 
我地跟住師傅說話咁做，果然，我同哥哥嘅鍊的確可以湊成一個心形加梅比斯環
 
果刻我同哥哥對望住，我心諗呢個係咩黎?八達通標誌?不過係將兩條鍊併埋果一刻，我個心跳得好快好快
 
「妹妹，妳唔係跟程架呵?」
 
「唔…唔係架….我姓李，不過佢爸爸，即係我契爺係姓程。佢爺爺…..係我婆婆同班同學」
 
「呵呵….咁我知道咩事啦….妳地仲細，大個就明，我放低咭片，將來有需要整鍊就搵我啦，我會為妳地而出山架，呵呵呵呵…..」
 
師傅走左之後，我先記得要向介紹OV俾哥哥識