我倆的緣份，於半世紀前已經開始: 梅比斯環

「阿哥…..呢個係我同學Ophelia，你應該見過佢啦」
 
「見過…係百佳見過」
 
「你…記得我?」
 
「嗯…我都知妳目的」
 
OV塊面立即紅過我面前果碗紅湯，哥哥原來鍾意OV呢類女仔嘅
 


「你…呀….唔唔….」
 
「OV，怕羞呀妳?唔洗怕羞喎」
 
「喂，衰妹，唔好玩人啦」
 
「妳睇下，阿哥幾快幫住妳，不過聽日去訂酒席啦」
 
「Charlotte…..咪玩啦….其實…..」
 


「唔好其實啦，我等緊叫妳阿嫂架」
 
我同哥哥有一個好得意嘅習慣，就係交換野飲同野食
 
每一次佢都係奶茶，不論凍熱，而我就一定係阿華田
 
食飯去到一半，我地又開始好合拍咁交換野飲野食，呢個完全係反射動作。而且我地唔係換野飲咁簡單，我地係連飲筒都交換埋果隻
 
「唔!」我俾Singal佢
 


「唔!」佢嘅標準回覆
 
好快兩杯野飲同飯就”ship”一聲交換左，而我地係立即飲一啖，OV同肥鴿望見我地咁做就好奇怪
 
「妳地…..食對方口水尾?」
 
「我地由細到大都咁做，唔洗驚喎OV，我第一次俾男仔錫，就係呢個變態佬錫我」
 
「上次係邊個走失係到喊，要我錫返佢架」
 
「我叫你錫我塊面咋!!冇叫你條變態佬錫我咀」
 
好似尋日咁，我地食完Lunch，阿哥送我地三個返去學校，然後先自己走
 
「拿OV，幫妳幫到盡啦」


 
「唔…唔該哂妳」
 
「乜說話丫」
 
咁樣就幫阿哥識個女朋友，真簡單。放學之時，阿哥仍然同我一齊搭地鐵返屋企，不過佢就低頭諗野，我真係有D八掛想知佢諗咩
 
「喂，掛住OV呀你?」
 
「唔係…」
 
「原來你一早就認得佢，咁你就自己去識人啦」
 
「我諗緊其他野…」
 


「咁快諗同OV去邊到拍拖啦?」
 
「我諗緊果個梅比斯環…我好似係邊到見過」
 
「梅比斯….你話果個八達通?」
 
「係呀….佢好似有特別嘅意思…一時我又諗唔起」
 
「好簡單者，google下咪得囉」
 
我地兩個落左車之後坐係月台，一齊用電話search「梅比斯環」。我地兩個係月台上一齊望住梅比斯環解釋
 
「係數學上，佢係單一平面，永遠停留係一個空間…唔…」
 
「嘩!!!呢d野咁深，我呢d文科人邊明呀」


 
「唔明?我示範俾妳睇啦」
 
哥哥係書包拎左張紙再撕成一條紙條示範俾我睇
 
「拿，將張紙條，咁樣兩邊駁埋，就係梅比斯環」
 
「有咩特別?」
 
「妳睇下，係唔係永遠都係同一平面上，冇正反面」
 
我用自己隻手指去試試，的確好似佢所講，永遠停留係同一面上
 
「仲有咩解釋呀?好神奇呀」
 


「仲…仲有….呀….」
 
「講啦!!!!」
 
「係西方社會….梅比斯環係代表….永恆的愛」
 
當我聽到永恆嘅愛時，我不自然地望住翹哥哥，發現佢面紅紅咁望住我，果一刻，心跳心好快，我同佢青梅竹馬，由一齊沖涼到孖鋪，咁多年黎都冇出現過呢d感覺