「思思….妳…做咩塊面紅哂?妳發燒?我同妳去公公到俾佢睇下?」
 
當哥哥摸我額頭果陣,個心跳得更快
 
「我…冇事,不過…..我地兩個條鍊….係唔係你爺爺對我婆婆…」
 
「佢地老人家嘅事我地做細就唔好理啦,而且爺爺都走左咁多年,妳婆婆應該唔會記得架啦,行啦,返屋企啦,我仲有好多功課」
 
我地各自返屋企之後,我大字型咁攤係床上,回想下今日點解對住哥哥果時,個心會跳得咁快?
 


我雙腳借力彈起身,打開自己一個小盒,盒中裝住嘅全部都係我最鍾意嘅野,一打開就見到果張相;我同佢扮新郎新娘嘅相,仲有好多張佢嘅相
 
“點會呢……我一直只係當佢哥哥,佢都當我係妹妹….唔會嘅”
 
食夜晚飯果時,我忍唔住問媽咪
 
「媽咪,妳知唔知咩係梅比斯之環呀?」
 
「嗯….聽過下嘅,做咩事呀?」
 


「冇….問一問者」
 
食完飯後,我返入房做功課溫書,到左完成後,我再上網搵資料,然後,媽咪入左黎我到
 
「慧思,妳做咩無啦啦問起果d野呀?」
 
「係咁嘅媽咪,今日我食飯果時,見到個叔叔….佢話我戴緊條鍊,係佢好後生果時,有個17歲左右….一個姓程嘅男仔儲好耐錢去訂做,果個男仔俾左佢心上人張相佢睇,話係訂俾果個女仔…..而果個女仔就係….婆婆…」
 
媽咪聽到之後,面色有少少變左,佢有少少失落
 


「之後呢?」
 
「之後果個叔叔話當年果位男仔,其實係訂左兩條鍊」
 
「兩條?冇可能架,我親眼見住….契爺幫媽咪戴架喎…」
 
「媽咪…今日我除左見到果位叔叔之外….仲見到另一條鍊」
 
「另一條鍊?係邊到?」
 
「係翹哥哥身上,而我地兩條鍊…可以併成一個大心形,內邊仲有個梅比斯環,所以…」
 
講到呢到,媽咪突然間開始流眼淚,爸爸今晚又夜更,點算好?
 
「媽咪妳做咩呀?」


 
「點解….點解….契爺…你點解….」
 
「媽咪?」
 
「慧思,妳記唔記得….細個媽咪同妳講過一個女校男生嘅故事?」
 
「我記得,妳話兩母女最後都輸左,得唔到最心愛嘅人,眼白白睇住佢娶另一個女仔」
 
「冇錯….妳而家應該清楚少少?」
 
「我仲係唔太明」
 
媽咪坐左係床,雙手捉實我雙手
 


「慧思,妳呢條鍊,係我契爺,翹哥哥個爺爺臨過身前送俾妳婆婆,因為婆婆果陣已經同妳公公結婚,生左我,所以唔可以接受老契爺心意……所以佢將條鍊送左俾我….」
 
「然後呢?」
 
「青梅竹馬嘅小妹妹同大哥哥,妳仲未諗到?」
 
「咪我同翹哥哥囉」
 
「唔係…仲有一對」
 
我望一望d相,有一張有大家姐係到
 
媽咪見到大家姐張相後問我「大家姐叫咩名?」
 
「程詩敏…Jasmine….」


 
「媽咪呢?」
 
「媽咪妳叫張詩敏…Jasmine……」
 
我呆住望住媽咪
 
「媽咪….果個女仔就係妳?」
 
「嗯…」
 
「咁妳即係….同雪凝契媽爭風契爺?」
 
「唉…..傻妹,係時間要話妳知啦」
 


「唔?」