我倆的緣份，於半世紀前已經開始: 黑色暴雨

「契爺，你今日要飛就扔低我地得啦」
 
「傻妹，妳睇下咁大雨!!唔得架，一陣妳媽咪知道，同妳婆婆講，我實冇命」
 
「但契爺你唔可以遲到喎」
 
「仲有三個鐘，冇問題嘅」
 
係呢個時候，哥哥有一個提議
 


「爸爸，而家已經見到真光，我孭慧思返學就得啦」
 
「下?阿哥，你點孭我又拎書包呀?」
 
「呢層…爸爸教過我，當年佢又係咁孭媽咪返屋企」
 
「浩翹你做到?」
 
「書包孭前邊，女仔孭後邊，雙腳穿過我雙手」
 


「咁你地要小心D喎，我已經駛到最近，係公廁俾你地落車」
 
「1..2.3…衝呀!!!!」
 
首先我地去到中間小學部門口，然後要行返上中學部果到，係一條斜路，其實會好辛苦翹哥哥，不過佢又唔理，孭左我上身就行返上去
 
我拎住把遮，個下巴放係佢膊頭上，個感覺….唔知點形容
 
「你話….契爺以前咁孭契媽返屋企?」
 


「係呀，有次媽咪m痛，爸爸就叫姑丈車佢地返去，然後阿姨幫爸爸拎野，爸爸就孭媽媽返屋企」
 
「幾浪漫丫….」
 
「我地而家雨中漫步都好浪漫呀」
 
「你小心D呀，我唔想聽日上頭版呀」
 
「得啦」
 
翹哥哥慢慢孭到我返校門，其時校長好擔心我地所有學生安全，所以就同一班老師擔遮企哂出門口
 
當佢地見到翹哥哥孭我上黎時，好多老師走黎開遮幫我地擋雨，入到校門先知，黑雨，學校停課
 
「停課?!咁我地返黎咪好蠢囉」


 
「唔係架Charlotte，妳可以自修架」
 
我望住哥哥
 
「翹哥哥，黑雨喎」
 
「放心啦，而家唔係以前，冇水湧入我地學校架啦，我走先啦」
 
呢個時候，校長叫停左翹哥哥
 
「同學!!!你呢到行返去皇仁呀?」
 
「係呀校長，我都要返學校架嘛」
 


「唔可以，而家太危險，你而家係我地校內範圍，就算你唔係我地學生，我地都要照顧你安全」
 
「不過校長…」
 
「我地幫你打電話去皇仁，話你今日係我地學校自修，直到安全為止，今日已經宣佈停課」
 
「唔該校長，但係問題係…..呢到係真光…唔係男女校，而且我冇地方可以坐…」
 
「Charlotte佢係妳哥哥?妳應該係獨生女喎」
 
「校長….佢爸爸係我媽咪契哥….即係我地兩家人好有關係…佢媽媽….係英華女校生物科科主任….校長可以問下契媽可唔可以俾哥哥留低，如果搵唔到契媽，搵我媽咪都得」
哥哥照意思打去英華女校
 
「喂….我想搵…..」
 


我一手搶部電話過黎開Speaker「喂!!王小姐，我係Charlotte呀，媽咪同或者契媽係唔係到呀?」
 
「李小姐呀...請妳等等，佢地剛黎到…..Jessie….Jasmine!!Charlotte打電話搵妳地」
 
「慧思?咩事呀?」
 
「媽咪呀，我地呢邊太大雨，阿哥剛先孭我返上黎，而家我地校長唔俾佢返皇仁，因為太危險，校長想問契媽可唔可以俾阿哥留係我地學校呀」
 
「浩翹?爸爸呢?」
 
「媽咪?爸爸今日飛日本，佢要趕返去開會寫Flight plan，我叫佢扔低我，我自己孭慧思返學校」
 
「你傻左咩?咁大雨」
 
「所以慧思個校長要我留係真光….唔俾我返去皇仁」


 
「浩翹你留低啦，而家外邊好危險呀，姑丈都幫手接緊我地學生入學校，你乖乖地，唔好亂行呀知嘛，你知你爺爺第一日入英華就入錯…」
 
「知啦媽咪，姑姐有冇野搵思思架?」
 
「慧思!!!咪蝦阿哥呀!!!」
 
「得啦媽咪!!!」
 
就係咁，阿哥果日就要留係真光陪我