我倆的緣份，於半世紀前已經開始: 拒絕幫忙

「媽咪，今日星期六喎」
 
「咁又點?」
 
「妳唔煮飯嘅?」
 
「唔?學校多野搞」
 
「邊有呀」
 


「搞緊妳地學校同我地聯校D野」
 
「Miss Cheung妳係指，12月果個show同ball?」
 
「都可以話係，我要諗定我d鎮壓部隊放係邊到」
 
「我覺得媽咪妳係懶得煮者…」
 
「OV、Silvia，妳地得閒黎陪多d佢地兩個食飯啦，我地兩個成日對住佢地都好悶」
 


「知道!!」
 
「最好幫我照顧下呢個勺蠻女」
 
「唔係呀姨姨，沙律佢係學校好幫人架」
 
「好似幫OV妳識浩翹咁?」
 
立即OV同哥哥低頭食飯
 


「唔緊要啦，OV而家有Vincent囉」
 
媽咪嘅情報網真係好大好大，真不愧為恐怖雞二世
 
「姨姨….其實…」
 
「唔緊要嘅，我都係F.3果時同慧思daddy開始拍拖，乖乖地，好好讀書就冇問題」
 
「知…知道啦姨姨…」
 
「浩翹」
 
「係!姑姐!」
 
「Winnie仲有冇黎搵你呀?」


 
「下…佢呀?」
 
我再用一個鄙視眼神望住哥哥
 
「間唔中傾下計，有時係圖書館自修室見到面咁囉」
 
「佢冇同慧思針鋒相對?」
 
「咁又冇」
 
媽咪咁講做咩呀!!!!咁樣公開踢爆我!?
 
「嗯….浩翹你洗唔洗媽咪幫你同Winnie講，叫佢少d搵你?」
 


「媽咪呀…大家朋友者…唔洗咁嘅….」
 
下!!!乜你唔識去拒絕人地架咩!!!!
 
「係喎OV，今日妳地約慧思出去做咩呀?點解又黎左我地屋企嘅?」
 
「呀…今日….我地陪沙律買少少野」
 
「慧思妳又亂買咩呀!?」
 
「咩…亂買野呀…我買左衫…裙同埋鞋之嘛」
 
媽咪聽到我買裙就呆左唔識俾反應我
 
「做咩喎，大個女…..想著下裙之嘛」


 
「除左裙之外呢….」
 
「呀….化….化妝品」
 
今次連契媽都靜左落黎，佢地兩個可能估唔到我會為佢哥哥而學人著裙同化妝
 
「慧思呀?妳真係識買?」
 
「嗯…今日見到瑩瑩姐姐同玲玲姐姐，係佢地幫我揀BB cream同埋base之類….」
 
「bb cream同base咋….咁唔洗咁緊張喎，好多女仔都搽架啦」
 
「咁…我唔識丫嘛」
 


哥哥聽到我買化妝品就覺得好出奇，係佢心中我係一個完全唔會化妝嘅女仔
 
「妳搞咩買化妝品呀?」
 
「關….關你咩事喎!!!」
 
食完飯後，我地兩個一齊送OV同肥鴿去搭地鐵
 
兩個人係地鐵站行返屋企
 
「你仲有冇事呀?點會咁唔小心架」
 
「唔…..一時忘形者…阿姨都話冇咩事」
 
「真係?」
 
「點會呃妳者，不過妳呢?做咩買衫買化妝品?」
 
我面紅紅擰埋一邊再講
 
「咁…我都16歲啦，都要開始打扮下架啦，到時真係冇男仔埋我身咪死」
 
「不過妳唔好化到咁勁喎」
 
「你唔鍾意?」
 
「唔太鈕意女仔化太勁囉，咩smoky eyes呀之類….好恐怖」
 
「咁我都係搽少少野者….你唔鍾意?」
 
「又唔係嘅…」