我倆的緣份，於半世紀前已經開始: 旅行日

我地學校有個規矩，去學校旅行日，上身都要著體育衫，所以我地一班女仔就著住件橙黃色嘅pe衫去旅行
 
大家會認為女仔係旅遊巴上會好靜?錯啦，我地嘈雜程度肯定比班男仔更犀利
 
成程車我地都係依嘩鬼叫，一部車載差唔多兩班喎，當然嘈啦
 
「沙律妳話Clodulf會幫我地霸爐?」
 
「嗯，Vincent會幫OV佢地霸爐」
 


「呀….妳地D男朋友對妳地咁好架!!!!」
 
我面紅紅係到抗議「邊…邊到係男朋友呀……」
 
「係係係，青梅竹馬嘅好兄妹」
 
肥鴿又係到挑起呢個話題「但係妳一D都唔鍾意佢咩?」
 
「下….咪問我啦…..」
 


「快D認啦沙律!!!」 「係囉!!!明眼人一睇就知妳同佢唔係兄妹咁簡單啦」
「沙律呀!!!自己爭取下啦」
 
「係啦係啦!!!我係鍾意佢啦，由我6歲果年到而家，10年」
 
校巴停左係停車場，我地一班小妹妹落車後仍然bee lee ba la咁嘈，一踏入燒烤場，我地已經見到Vincent企係到，不過心口掛住塊牌，上邊寫住
 
“我出賣兄弟，只係肯幫女朋友霸爐”
 
「咦，佢地應該到左啦喎」


 
「佢地自己入黎架，應該早我地好多」
 
的確，所有好乾淨嘅爐，係已經俾Vincent同佢d同學幫我地準備好
 
OV一見到Vincent就行埋去，現場傳黎唔少歡呼聲
 
不過哥哥呢?
 
「沙律呀，妳地班果幾個爐係入邊，Clodulf幫妳地清潔好架啦」
 
「呀!!!!沙律妳有個咁好嘅『哥哥』真係令人羨慕死啦」
 
我地埋到去，的確個爐好乾淨
 


我轉頭過去問仍然掛住塊牌嘅Vincent
 
「哥哥呢?唔見人嘅?」
 
「佢去左幫妳地洗叉呀」
 
「幫我地洗叉?」
 
「係呀，妳地放低d叉俾我地啦」
 
果然，哥哥一見到我地d同學，就不斷派燒烤叉俾佢地
 
「你做咩派叉呀?」
 
「咁幫妳地做準備嘛，咪幫妳地準備好叉囉」


 
「你地d同學呢?」
 
「就到架啦，幫妳地起爐先啦」
 
哥哥係書包拎出手套，將一舊舊炭放好，再點著炭精，好快就幫我地起好爐
 
今日幾奇怪，平日著得好斯文嘅佢，今日著左件墨綠色嘅快乾短袖衫，上邊印左SCOT呢個字，而左心口就有隻獅子同蘇格蘭嘅St.Andrew旗，而佢就著左條卡其迷彩軍長褲同一對卡其色嘅軍靴。真係第一次見佢著成咁，所以我忍唔住問一問佢搞乜
 
「唔?我去郊外都咁著架啦，特別係同我班同學」
 
「點解嘅?」
 
「好快妳就知」
 


10分鐘後，其他queen屎仔都陸續黎到，佢地係我地附近坐低起爐，而哥哥都返左去佢地身邊
 
「沙律呀?妳阿哥有冇解釋點解佢要著到咁?」
 
「冇呀，可能怕d沙入鞋掛」
 
終於，我知道啦，原來係保護自己
 
因為佢地好鍾意將同學d鞋搵沙埋住佢或者淋水，所以哥哥就著對8吋軍靴黎睇下你班人點除